Tags-Dil

is se pahle nahīñ huā thā kabhī
dil kā jo haal ab hai mil jaao

baam o dar jaag uThe shauq ne āñkheñ kholīñ
dil kī dahlīz pe dastak sī huī raat ga.e

yakāyak az dil do chashm jaadū ba-sad-farebam ba-burd taskīñ
kise paḌī hai jo jā sunāve piyāre pī ko hamārī batiyāñ

ye dil ki sañg na thā ek ābgīna thā
na lā sakā tire jalvoñ kī taab TuuT gayā

zarūrat aise ahl-e-dil kī hai ab mere logoñ ko
jo tartīb-e-rumūz-e-zindagī saarī badalte haiñ

raat aurat hai garche tīra-jabīñ
dil magar kārvān-e-sarā.e nahīñ

guzar gayā ye nigāhoñ se terā markab-e-husn
tamām ālam-e-dil ik qadam meñ gard huā

tamām tajraba-e-garm-o-sard-e-ishq kahāñ
kuchh ashk-e-garm huā dil kuchh āh-e-sard huā

naqāb un kī uThī thī ki ham hue behosh
nigāh un se laḌī thī ki dil meñ dard huā

karam se apne miTā do ki be-qarār hai ishq
mirā vajūd ki duniyā ke dil kā dard huā

kuchh is tarah se aao ki dil ko ḳhabar na ho
kuchh vasl meñ bhī lutf rahe intizār kā

bū-e-vafā na DhūñDhiye laala ke daaġh meñ
kyā ye bhī koī dil hai kisī dil-figār kā

ye tiir dil meñ magar be-sabab nahīñ utrā
koī to harf lab-e-chāragar se niklā thā

maiñ raat TuuT ke royā to chain se soyā
ki dil kā zahr mirī chashm-e-tar se niklā thā

saath jab tum nibhā nahīñ paate
kyā zarūrat thī dil lagāne kī

terī har chaal maiñ samajhtā huuñ
tujh ko aadat hai dil dukhāne kī

agar dil mārte apnā to kyuuñ ye zillateñ paate
tirī ḳhvāhish meñ zālim ham ne sar maarā to kyā maarā

kahīñ hotā hai dil kā josh-e-saudā kam abas ragzan
ragoñ meñ merī tū ne neshtar maarā to kyā maarā

ka.ī din se nasheman ḳhāk-e-dil kā
sar-e-shāḳh-e-havā hai aur maiñ huuñ

sāmne us yaar ke bhī aur sar-e-darbār bhī
ek ye dil thā jise har baar ḳhuuñ karnā paḌā