Tags-Dil

qurbatoñ meñ bhī judā.ī ke zamāne māñge
dil vo be-mehr ki rone ke bahāne māñge

yahī dil thā ki tarastā thā marāsim ke liye
ab yahī tark-e-ta.alluq ke bahāne māñge

dil kisī haal pe qaane hī nahīñ jān-e-'farāz'
mil ga.e tum bhī to kyā aur na jaane māñge

dil ki ārā.ish-e-ālam kā tamāshā dekhe
gar kabhī ḳhud pe nazar jaa.e to sahrā dekhe

ḳhvāb meñ ho to ye dil dekhe tirī diid ke ḳhvāb
ḳhvāb se jaage to ik ḳhvāb sī duniyā dekhe

dil-e-sozāñ kī 'jahāñdār' tire tā-ba-falak
kaun sī aah thī jo misl-e-havā.ī na ga.ī

donoñ ke dil meñ ḳhauf thā maidān-e-jañg meñ
donoñ kā ḳhauf fāsla thā darmiyān kā

dil-e-sad-pāra ye baġhal meñ na ho
dard dukh kā mire risāla hai

miltī hai use gauhar-e-shab-tāb kī mīrās
lī mujh dil-e-sad-pāra ne sīmāb kī mīrās

yaañ jo dil-e-raushan ki vo ḳhālī hai ḳhudī se
pahuñchā.ī falak ne use mahtāb kī mīrās

vaañ us ko haul-e-dil hai to yaañ maiñ huuñ sharm-sār
ya.anī ye merī aah kī tāsīr se na ho

kuchh der hī lagī na dil ko to tiir lagte
us said-e-nā-tavāñ kā kyā jī shitāb niklā

har harf-e-ġham ne mere majlis ke ta.iiñ rulāyā
goyā ġhubār dil kā paḌhtā kitāb niklā

pūchhā agar kisī ne mirā aa ke hāl-e-dil
be-iḳhtiyār aah laboñ se nikal ga.ī

numū ke faiz se rañg-e-chaman nikhar sā gayā
magar bahār meñ dil shorishoñ se Dar sā gayā

jafā-e-dost bahut sāzgār aa.ī hai
ḳharāb ho ki ye dil aur kuchh sañvar sā gayā

vo shaam ho ga.ī mansūb un kī yaad ke naam
charāġh jal sā gayā dāġh-e-dil ubhar sā gayā

kabhī soz-e-dil kā gila kiyā kabhī lab se shor-e-fuġhāñ uThā
koī ahl-e-zabt bhalā buto use kyā kare jo dhuāñ uThā

jo kabhī lagī kī ḳhabar sunī to ġhazab kī choT yahāñ lagī
mujhe soz-e-dil kā gumāñ huā jo kisī ke ghar se dhuāñ uThā

dil dhaḌakte hue bhī Dartā hai
kitnī sunsān shab hai mil jaao