Tags-Dil

dil to jalvoñ se bad-havās hī thā
aañkh bhī bad-havās rahtī hai

dil kahāñ 'arsh' ab to pahlū meñ
ek tasvīr-e-yās rahtī hai

ba.ad meñ kyā anjām huā ye aage paḌhne vaale batā.eñ
us kī kitāb-e-dildārī kī pahlī jild to puurī thī

ilāhī ek dil kis kis ko duuñ maiñ
hazāroñ but haiñ yaañ hindostān hai

libās badlī huī raunaqoñ ke achchhe the
magar ye dil ki rakhā hausla-qabā tū ne

faqat is ḳhauf se jaatā nahīñ maiñ sub.h-e-tarab kī jānib
ufuq-e-dil se tire dard kā mahtāb na Dhal jaa.e kahīñ

jab dil meñ terī yaad na āñkhoñ meñ niiñd thī
aisī bhī ek raat mujhe kāTnī paḌī

jis ke liye ye ḳhāk-basar umr bhar rahā
us ne dil-e-ġharīb kī koī ḳhabar na kī

ye apnā dil hai ki is haal meñ bhī zinda haiñ
sitam kuchh ahl-e-sitam ham pe kam nahīñ karte

girafta-dil haiñ butān-e-haram ki ab shā.ir
nashāt-o-aish ke sāmāñ baham nahīñ karte

jalā hai jism jahāñ dil bhī jal gayā hogā
kuredte ho jo ab raakh justujū kyā hai

peḌ kā saaya nahīñ phal bhī zarūrat hai mirī
dil bhī darkār hai terā mujhe din raat samet

dil meñ vo dard uThā raat ki ham so na sake
aise bikhre the ḳhayālāt ki ham so na sake

ek sannāTā thā āvāz na thī aur na javāb
dil meñ itne the savālāt ki ham so na sake

bhole ban kar haal na pūchh bahte haiñ ashk to bahne do
jis se baḌhe bechainī dil kī aisī tasallī rahne do

maiñ sab ke zaḳhm chunūñ phir unheñ zabāneñ duuñ
balā se dil kī mire abtarī na jā.egī

'atīq' us dilrubā kī har adā bar-haq sahī lekin
tumhārī koshish-e-paiham bhī aalī hotī jaatī hai

ek nayā vāqi.a ishq meñ kyā ho gayā
dil meñ kahīñ phir koī zaḳhm harā ho gayā

baḌhne lagī ḳhāmushī Darne lagī zindagī
dil hī merā daf.atan naġhma-sarā ho gayā

sard aahoñ se dil kī aag bujhā
garm ashkoñ se jaam bhartā jā