Tags-Dil

dil bhī kisī ke jaur pe thā dam-ba-ḳhud 'zafar'
lab par bhī ehtijāj kī koī sadā na thī

is tarah daaġh damakte haiñ dil-e-vahshī par
qais ke jism pe phūloñ kī abā ho jaise

kitnā dilkash hai tirī yaad kā paalā huā ashk
sīna-e-ḳhāk pe mahtāb girā ho jaise

ḳhāk-e-dil par tire sayyāl tasavvur kā ḳhirām
reg-e-sahrā pe ravāñ bād-e-sabā ho jaise

ab aur us ke sivā na hogī qafas meñ taskīn-e-dil kī sūrat
chaman kī jānib nazar uThā kar kabhī kabhī hans liyā kareñge

nigāh kī bandisheñ salāmat junūñ kī pābandiyāñ musallam
kahīñ bharam khul gayā to ai dil maiñ kyā karūñgā vo kyā kareñge

jab tak mire hoñToñ pe tirā naam rahegā
dil be-ḳhabar-e-gardish-e-ayyām rahegā

miT jā.egā har naqsh-e-ḳhayāl-e-ġham-e-hastī
lekin varaq-e-dil pe tirā naam rahegā

jā.egī na dil se tire aariz kī mohabbat
zulfoñ kā tasavvur mujhe har shaam rahegā

ai dil vaalo ghar se niklo detā dāvat-e-ām hai chāñd
shahroñ shahroñ qariyoñ qariyoñ vahshat kā paiġhām hai chāñd

apne dil ke mashriq-o-maġhrib us ke ruḳh se munavvar haiñ
be-shak terā ruup bhī kāmil be-shak tū bhī tamām hai chāñd

kiyā hai dil ne begāna jahān-e-murġh-o-māhī se
hameñ jāgīr-e-āzādī milī darbār-e-shāhī se

tirī duniyā meñ ai dil ham bhī ik goshe meñ rahte haiñ
hameñ bhī kuchh ummīdeñ haiñ tirī ālam-panāhī se

hamāre dil kī hālat gesū-e-mahbūb jaane hai
pareshāñ kī pareshānī pareshāñ ḳhuub jaane hai

terī anā niyāz kī kirneñ bujhā ga.ī
jazbe jo dil meñ ubhre the sharminda kar ga.e

dil kī fazā.eñ aa ke kabhī ḳhud bhī dekh lo
tum ne jo daaġh baḳhshe the kyā kyā nikhar ga.e

us ke dhyān kī dil meñ pyaas jagā lī jaa.e
ek bhī shaam na phir us ke naam se ḳhālī jaa.e

ret hai sūraj hai vus.at hai tanhā.ī
lekin naañ is dil kī ḳhām-ḳhayālī jaa.e

dil-āzārī kī miTTī se īstāda ghar
un be-faiz daroñ tak kaun savālī jaa.e

ism paḌhne kā irāda ho to fursat meñ 'sahar'
maiñ tujhe dil ke shumāre se uThā saktī huuñ