Tags-Dil

baat ab jo tumheñ batānī hai
dil tumhārā uchhal paḌe shāyad

phir mujhe pyaar ke sāhil pe Thaharnā hogā
phir tire dil ke dhaḌakne kī sadā aa.ī hai

ḳhūn-e-dil kā jo kuchh ashkoñ se patā miltā hai
ham ko jī khol ke rone kā mazā miltā hai

baazī pe dil lagā hai koī dil-lagī nahīñ
ye bhī hai koī baat kabhī haañ kabhī nahīñ

dil māñgo to javāb hai un kā abhī nahīñ
goyā abhī nahīñ kā hai matlab kabhī nahīñ

dil meñ nashāt aa.e to chehra ho tābnāk
jab tak janāb chāñd nahīñ chāñdnī nahīñ

ek pal ke liye the vo aa.e nazar
umr bhar dil pukārā ki haa.e nazar

jaane dil meñ ye kis kā ḳhayāl aa gayā
aap hī aap ye muskurā.e nazar

us ke tīr-e-nazar kī baḌī dhuum hai
aa.e dil pe mire āzmā.e nazar

har ghaḌī dil ko aarzū hai yahī
jo abhī tak nahīñ huā jānāñ

taḌap jā.egā har dil shams' kā jab naam aa.egā
numāyāñ yuuñ bhī hogī dāstān-e-ġham kabhī apnī

jahāñ koī sitam ījād kiyā mujhe kah ke falak ne ye yaad kiyā
ki bas ek dil-e-'bedam' ke sivā koī qābil-e-mashq-e-jafā hī nahīñ

mujhe kisī se kisī baat kā gilā hī nahīñ
ki apne dil ke sivā koī mudda.ā hī nahīñ

lahūluhān ho dil yā qalam ho sar jaanā
tirī galī ke sivā koī rāsta hī nahīñ

hai ḳhush-mizāj magar dil kī baat kaise kareñ
ki ek pal ko sahī vo kabhī khulā hī nahīñ

bujh ga.ī dil kī kiran ā.īna-e-jāñ TuuTā
par-e-parvāz sameTe to lahū sā phūTā

vahī kaifiyyat-e-chashm-o-dil-o-jāñ hai 'iqbāl'
na koī rabt banā aur na rishta TuuTā

tujhe hamrāh to rakh lūñgā maiñ lekin dil-e-sāda
tirī bābat ziyāda ḳhush-gumānī meñ nahīñ rahnā

dhotā hai suḳhan dil se ġhubār-e-ġham-e-duniyā
hai gard-e-alam ke liye sāvan kī jhaḌī baat

usī ke pyaar ko dil se nikāl rakkhā hai
hamesha jis ne hamārā ḳhayāl rakkhā hai