Tags-Dil

kis dil-āvāra kī mayyat ghar se niklī hai 'azīz'
shahr kī ābād rāheñ aaj vīrāñ ho ga.iiñ

shab thī be-ḳhvāb ik aarzū der tak
shahr-e-dil meñ phirī kū-ba-kū der tak

dil ke saada ufuq par tumhī se rahe
rañg-e-qaus-o-quzah chār-sū der tak

ham ne chhupāyā laakh magar chhup nahīñ sakā
anjām-e-kār rāz-e-dil-e-zār khul gayā

tū rahā dil meñ dil rahā tujh meñ
tis pe terā milāp ho na sakā

rakhne ko tere vāda-e-nā-mo'tabar kī laaj
jhelī hai dil ne zahmat-e-sabr-o-qarār tak

jaatī hai dil kī hasrat-e-nazzārgī kahāñ
nazzāra ho gayā hai nigāhoñ pe baar tak

phir us ke baad dil meñ na utrī koī nigāh
vo teziyāñ rahīñ tire ḳhanjar kī dhaar tak

hijāb-e-rāz faiz-e-murshid-e-kāmil se uThtā hai
nazar haq-āshnā hotī hai parda dil se uThtā hai

jalā jaatā huuñ bār-e-soz-e-ġham mushkil se uThtā hai
vo ashkoñ se nahīñ bujhtā jo shola dil se uThtā hai

lagā dī ātish-e-ḳhāmosh kyā soz-e-mohabbat ne
ilāhī ḳhair dūd-e-āh-e-sozāñ dil se uThtā hai

ye ḳhayāl ab to dil-āzār hamāre liye hai
āḳhir-e-shab koī be-dār hamāre liye hai

shīshe se ziyāda nāzuk thā ye shīsha-e-dil jo TuuT gayā
mat pūchho ki mujh par kyā guzrī jab haath se sāġhar chhūT gayā

uThtā hai 'dānish' dil se dhuāñ āñkhoñ se Tapakte haiñ aañsū
kyā ātish-e-ġham dene lagī lau kyā dil kā phaphūlā phuuT gayā

uThāyā us ne biiḌā qatl kā kuchh dil meñ Thānā hai
chabānā paan kā bhī ḳhuuñ bahāne kā bahāna hai

āñkhoñ ko bhī le Duubā ye dil kā pāgal-pan
aate jaate jo miltā hai tum sā lagtā hai

dil jab se dard-e-ishq ke qābil nahīñ rahā
ik nāgavār chiiz hai ab dil nahīñ rahā

vo maiñ nahīñ rahā vo mirā dil nahīñ rahā
ab un ko muñh dikhāne ke qābil nahīñ rahā

ik nā-umīd ke liye itnā na sochiye
āzurda dil rahā bhī to be-dil nahīñ rahā

kuchh dil se ehtirām nahīñ vāldain kā
bezār apne diin se maz.hab se duur hai