Tags-Dil

jī meñ aatā hai ki phir mizhgāñ ko barham kījiye
kāsa-e-dil le ke phir daryūza-e-ġham kījiye

din ke hañgāmoñ ko kījiye dil ke sannāTe meñ ġharq
raat kī ḳhāmoshiyoñ ko vaqf-e-mātam kījiye

shab-e-visāl tire dil ke saath lag kar bhī
mirī luTī huī duniyā tujhe pukārtī hai

kyā tanz-e-daurāñ kyā hūr-e-ḳhūbāñ
dil hī sitam-kash dil hī sitamgar

kis ke liye kījiye jāma-e-dībā-talab
dil to kare hai mudām dāman-e-sahrā-talab

ek tamannā ho to yaar se kahiye 'nazīr'
dil hai pur-az-ārzū kījiye kyā kyā talab

tujh se kam par kisī sūrat nahīñ raazī hotā
dil-e-nādāñ ne dikhā rakkhī hai hushyārī kyā

vo bhī turfa suḳhan-ārā haiñ, chalo yuuñ hī sahī
itnī sī baat pe yāroñ kī dil-āzārī kyā

bujh rahe haiñ charāġh-e-dair-o-haram
dil jalāo ki raushnī kam hai

jab tak haiñ tere dar par dil-bastagī sī hai kuchh
ye āstāñ jo chhūTā mushkil hai jī bahalnā

dil o nigāh pe taarī rahe fusūñ us kā
tumhārā ho ke bhī mumkin hai maiñ rahūñ us kā

dil hai tire pyaar karne kuuñ
jī hai tujh par nisār karne kuuñ

rashk siiñ jab koī chhue vo zulf
dil uThe maar maar karne kuuñ

is adā suuñ laTak laTak mat aa
dil mirā be-qarār karne kuuñ

naañv kuuñ garche tū mamūlā hai
baaz hai dil shikār karne kuuñ

āñkheñ kholo ab to mere zaḳhm-e-dil bhī mundamil hone lage haiñ
maan jaao phir koī talvār uThāo phir koī ḳhanjar nikālo

ab kaisā chaak chaak ho dil us ke hijr meñ
guththavāñ to laḳht-e-dil se nikaltī hai merī aah

nigāhoñ meñ kisī kī aas le kar
kisī se dil hamārā mil rahā thā

'hinā' ye raaz ham ne dil meñ rakkhā
milā jo bhī tumhārā mil rahā thā

ahl-e-dil ko to yahī kahte sunā hai ai 'faiz'
apne bīmār ko dāman kī havā dete haiñ