Tags-Dil

ye dil to kis taraf jaane bahā kar le gayā hotā
nigāhoñ meñ agar vo sā.at-e-pursish nahīñ rahtī

bahut se phuul lahje ḳhaar hote ham ne dekhe haiñ
kisī shīrīñ-navā kī dil ko ab ḳhvāhish nahīñ rahtī

duur be-dhyānī meñ ghaḌiyāl sadā detā hai
zehan dil jism har ik chiiz chamak uThtī hai

suno dil se to phir har naġhma-e-ishrat ke parde meñ
alam kī dāstān-e-ḳhūñ-chakāñ kuchh aur kahtī hai

vo mere haal par 'sāhir' kabhī jo muskurāte haiñ
to dil se apnī sa.i-e-rā.egāñ kuchh aur kahtī hai

saut-o-suḳhan ke dā.ere tahlīl ho ga.e
qaus-e-nazar se dil meñ utar jaanā chāhiye

tanhā nazar pe kījiye kis dil se e'tibār
dil ko bhī tā-ba-hadd-e-nazar jaanā chāhiye

zamzam harīm-ka.aba meñ hai māmtā kā dil
hai shart-e-zīst Duub ke mar jaanā chāhiye

aa.e to ḳhushāmad se aa.e baiThe to muravvat se baiThe
milnā hī ye kyā jab dil na milā tum aur kahīñ ham aur kahīñ

dil milne pe bhī pahlū na milā dushman to baġhal hī meñ hai chhupā
qātil hai mohabbat kī ye hayā tum aur kahīñ ham aur kahīñ

yaksūī-e-dil marġhūb hameñ barbādi-e-dil matlūb tumheñ
is zid kā hai aur anjām hī kyā tum aur kahīñ ham aur kahīñ

dil se hai agar qaa.em rishta to dūr-o-qarīb kī bahs hī kyā
hai ye bhī nigāhoñ kā dhokā tum aur kahīñ ham aur kahīñ

dil meñ rah rah ke shor uThtā hai
koī rahtā hai is makān meñ kyā

āshnā 'ġhālib' nahīñ haiñ dard-e-dil ke āshnā
varna kis ko mere afsāne kī tāb-e-istimā.a

raheñ mahv kyuuñ na har ek dam ki nazar meñ jalva-e-yār hai
dil-e-muntazir hai jo aa.ina to ḳhayāl ā.ina-dār hai

ye ḳhatā-e-ishq kī dī sazā ki mizha se mardum-e-chashm ne
mirā dil dikhā ke ye kah diyā ise lo ye qābil-e-dār hai

huiiñ tark saarī mohabbateñ mire sar pe Dhaa.ī haiñ āfateñ
yahī dil ke lene meñ shart thī yahī mujh se qaul-o-qarār hai

koī dil kī niklī na aarzū huā ranj-o-ġham se jigar lahū
phire ḳhaak chhānte kū-ba-kū na to sabr hai na qarār hai

sitam ke daur meñ ham ahl-e-dil hī kaam aa.e
zabāñ pe naaz thā jin ko vo be-zabāñ nikle

ham ko ma.alūm hai lamhāt kā hāsil bhī 'sho.eb'
dil magar Duub ke har lamha ubhartā kyuuñ hai