Tags-Dil

zaḳhmī haiñ donoñ kyā tire tīr-e-nigāh ke
dil meñ ḳhalish hai aur jigar dāġh-dār kyuuñ

dil ke āñgan meñ raushnī ke liye
fikr kī tāzgī hī kaafī hai

vo dāstāñ jo tirī dilkashī ne chheḌī thī
hazār baar mirī sādgī ne dohrā.ī

taḌap aurat ke dil kī sirf ik aurat samajhtī hai
bas apnī ḳhvāhishoñ ko likh rahe haiñ mard kāġhaz par

de ga.ī mustaqil ḳhalish dil ko
aarzū pā.emāl hote hue

ishq meñ dard se hai hurmat-e-dil
chashm ko aabrū hai aañsū se

dil ko is kī havā ne aan ke biich
kar diyā bāvlā ik aan ke biich

sūiyāñ sī kuchh dil-e-vahshī meñ phir chubhne lagīñ
Thiik hone ko libās-e-arġhavānī phir gayā

dil se majbūr aap se bezār
is dorāhe pe aa ga.e hoge

ab ḳhaak uḌ rahī hai yahāñ intizār kī
ai dil ye bām-o-dar kisī jān-e-jahāñ ke the

sad-yād-e-yād 'jaun' vo hañgām-e-dil ki jab
ham ek gaam ke na the par haft-ḳhvāñ ke the

jahāñ ko bhuul ke tum ko bhulā ke dekhte haiñ
ab apne aap ko dil se lagā ke dekhte haiñ

kam-fursatī kā un kī mujhe bhī lihāz hai
ahvāl-e-dil ko dīda-e-namnāk chāhiye

dil kā darvāza tumhāre liye vā rakkheñge
lauT aane kā kabhī ho jo irāda likhnā

sar meñ saudā thā ajab likh gayā us ko kyā kuchh
dil ne samjhāyā bahut thā ki na aisā likhnā

ye alag baat koī chāñd ubhartā na ho ab
dil kī bastī meñ magar raat to hotī hogī

ā.īna dil kā saaf kar kahlā.e saiqal-gar bhī ham
apne sivā dekheñ kise andar bhī ham bāhar bhī ham

jāñ-bar ho un se kyūñki dil kahtī haiñ palkeñ yaar kī
neza bhī ham nāvak bhī ham barchhī bhī ham ḳhanjar bhī ham

jo chāhe kar jaur-o-jafā par dil kā mohr-e-dāġh se
roz-e-qayāmat kosnā dikhlā.eñge mahzar bhī ham

pahlū meñ tū ho ai dil phir hasrateñ hazāroñ
kis baat kī kamī hai terī salāmtī meñ