Tags-Dil

dil ke dhaḌkoñ meñ zor-e-zarb-e-kalīm
kis qadar is habāb meñ dam hai

yuuñ bhī dil meñ nahīñ vo pahlī umañg
aur terī nigāh bhī kam hai

rū-kash-e-sad-harīm-e-dil hai fazā
vo jahāñ haiñ ajiib aalam hai

ye maiñ ne maanā tumhāre hāthoñ meñ sañg-e-marmar kī uñgliyāñ haiñ
koī hasīna jo kāñch kā dil uchhāl kar de to kyā karoge

lamha lamha pukāre jaate haiñ
kaun dil ke qarīb aate haiñ

jin kī hasrat meñ dil-e-rusvā ne ġham khaa.e bahut
sañg ham par in darīchoñ ne hī barsā.e bahut

ham ma.ani-e-havas nahīñ ai dil havā-e-dost
raazī ho bas isī meñ ho jis meñ razā-e-dost

hai ruuh bhī nisār badan bhī nisār-e-yār
dil bhī fidā-e-dost jigar bhī fidā-e-dost

dil hai pyāsā husain ke mānind
ye badan karbalā kā maidāñ hai

na ab vo shiddat-e-āvārgī na vahshat-e-dil
hamāre naam kī kuchh aur shohrateñ bhī ga.iiñ

vo be-kaifī kā aalam hai ki dil ye chāhtā hai
kahīñ rū-posh ho jā.ūñ achānak ḳhāmushī se

sukūn-e-ḳhāna-e-dil ke liye kuchh guftugū kar
ajab hañgāma barpā hai tirī lab-bastagī se

koī ḳhush-fikr sā tāza-suḳhan bhī darmiyāñ rakh
kahāñ tak dil ko bahlā.ūñ maiñ terī dilkashī se

shīsha TuuTe ġhul mach jaa.e
dil TuuTe āvāz na aa.e

ishq se to nahīñ huuñ maiñ vāqif
dil ko sho.ala sā kuchh lipaTtā hai

dil sā anmol ratan kaun ḳharīdegā 'shakeb'
jab bikegā to ye be-dām hī bik jā.egā

dil koī ā.īna nahīñ TuuT ke rah gayā to phir
Thiik hī kah rahe ho tum Thiik na ho sakā to phir

is tund-ḳhū se jūñhī mirī aañkh laḌ ga.ī
is dil se aur aql se vohīñ bigaḌ ga.ī

kyā kahiye tere hāthoñ se ai dast-burd-e-ishq
is dil kī bastī baat ke kahte ujaḌ ga.ī

vo ek hādisa-e-rūh-o-dil ki biit gayā
jise na maan sakā 'shāz' kā shu.ūr ab tak