Tags-Dil

maiñ raat kī god meñ sitāre nahīñ sharāre bikhertā huuñ
sahar ke dil meñ jo apne ashkoñ se bo rahā huuñ baġhāvateñ haiñ

na jaane kaun sā ġham murtasim hai is dil par
ki mere hoñToñ ne kar lī hai ḳhāmushī mahfūz

tere ḳhayāl se hai vo dil-bastagī mujhe
hasrat hī ab nahīñ tire dīdār kī mujhe

har shai se be-niyāz hai merā dil-e-hazīñ
tum kyā mile ki mil ga.e kaunain bhī mujhe

āñkheñ haiñ ashk dil hai dhuāñ ghar udaas hai
tujh bin ai ghar kī rūh-e-ravāñ ghar udaas hai

dil ko jhiñjhoḌte hue saare aziiz lafz
tahrīr haiñ havā meñ jahāñ ghar udaas hai

aañkh kis lafz pe bhar aa.ī hai
kaun sī baat pe dil TuuTā hai

dil meñ jab sozish-e-ġham aag lagā detī hai
chashm-e-afsurda kī barsāt se jī Dartā hai

chāhtā huuñ ki ye dil shahr-e-nigārāñ ho magar
itnī rañgīnī-e-jazbāt se jī Dartā hai

zaḳhm kuchh aur sulag jaate haiñ dal ke 'shāhid'
ab to is tāroñ bharī raat se jī Dartā hai

tujh binā dil ko be-qarārī hai
dam-ba-dam mujh ko āh-o-zārī hai

haath tere jo dekhī hai talvār
aarzū dil ko jāñ-sipārī hai

aah kuuñ dil meñ maiñ chhupātā huuñ
lāzim-e-ishq parda-dārī hai

his nahīñ taḌap nahīñ bāb-e-atā bhī kyuuñ khule
ham haiñ girafta-dil abhī ham se sabā bhī kyuuñ khule

dil kā koī ziyāñ nahīñ jaañ kā mo.āmla nahīñ
haath meñ ik diyā nahīñ mauj-e-havā bhī kyuuñ khule

kaise aa saktī hai aisī dil-nashīñ duniyā ko maut
kaun kahtā hai ki ye sab kuchh fanā ho jā.egā

'mīr' jab se gayā hai dil tab se
maiñ to kuchh ho gayā huuñ saudā.ī

yahīñ kahīñ the vo lahreñ uchhālne vaale
hamāre dil meñ zamānoñ se ret uḌtī hai

Thahar Thahar dil-e-vahshī bahār aane de
abhī se bahr-e-ḳhudā itnā be-qarār na ho

asīr-e-dām na honā zarā sambhal ai dil
ḳhayāl-e-gesū-e-pur-ḳham gale kā baar na ho