Tags-Dil

ġham-e-hastī se be-niyāz sahī
ahl-e-dil phir bhī dard-mañd rahe

kalī kalī kī zabāñ par azaab raushan thā
ai ham-safar dil-e-ḳhāna-ḳharāb raushan thā

itnī vahshat hai ki siine meñ ulajhtā hai ye dil
ai shab-e-ġham tū mire siine pe patthar rakh de

vo faroġh-baḳhsh-e-har-anjuman ki zamāna-bhar meñ thā zau-fagan
vo charāġh-e-bazm gah-e-vatan kisī tīra-dil ne bujhā diyā

vo ba-rañg-e-ā.īna sāf-dil vo faroġh-e-fitrat-e-āb-o-gil
ki jihād-e-nafs ne mustaqil use aur husn-e-jilā diyā

asar us kā ab hai vasī.a-tar ki har ek dil meñ hai us kā ghar
ye samajh ke ḳhush na hoñ fitna-gar ki use payām-e-fanā diyā

yuuñ to dil thā ghar faqat allāh kā
but jo paale the to jā rakhnī hī thī

na ārzu-e-jafā ba-qadam nikāl ke chal
paḌe haiñ raah meñ kuchh dil bhī dekh bhaal ke chal

chalā jo hashr meñ maiñ sun ke āmad-e-jānāñ
ye iztirāb pukārā ki dil sambhāl ke chal

ābādiyoñ meñ Duub kar mirā dil
jañgal se bhī muhīb ho gayā hai

vo merī jaan hai dil se kabhī judā na huā
ki us kā ġham hī mirī ziist kā bahā na huā

nazar ne jhuk ke kahā mujh se kyā dam-e-ruḳhsat
maiñ sochtā huuñ ki kis dil se vo ravāna huā

maiñ apne dard kī nisbat ko dil samajhtā huuñ
qafas jo TuuT gayā merā āshiyāna huā

kaisī kaisī ūñchī dīvāreñ khaḌī haiñ har taraf
dil meñ jo hai kar guzarnā itnā āsāñ bhī nahīñ

jaane 'ūshā' kitne bandhan kitne rishte toḌ kar
dil kī ḳhālī god bharnā itnā āsāñ bhī nahīñ

ba-qadr-e-paimāna-e-taḳhayyul surūr har dil meñ hai ḳhudī kā
agar na ho ye fareb-e-paiham to dam nikal jaa.e aadmī kā

vo laakh jhukvā le sar ko mere magar ye dil ab nahīñ jhukegā
ki kibriyā.ī se bhī ziyāda mizāj nāzuk hai bandagī kā

jitne haiñ duur utne hī dil ke qarīb haiñ
ham ko to daur-e-hijr bhī daur-e-visāl hai

dil-o-nazar ko lahū meñ Dubonā aatā hai
na ab hañsī hameñ aa.e na ronā aatā hai

dil kā mafhūm ishāroñ se ujāgar na huā
be-kasī-e-gila-e-ḳhām pe ronā aayā