Tags-Dil

aap jo merī jaañ haiñ maiñ dil huuñ
mujh se kaise judā.ī karte haiñ

raat ga.e aksar dil ke vīrānoñ meñ
ik saa.e kā aanā jaanā hotā hai

dil rotā hai chehrā hañstā rahtā hai
kaisā kaisā farz nibhānā hotā hai

sahrā se bastī meñ aa kar bhed khulā
dil ke andar hī vīrāna hotā hai

sarḳhushī meñ yūñhī dil-shād o ġhazal-ḳhvāñ guzre
kū-e-qātil se kabhī kūcha-e-dildār se ham

'faiz' jab chāhā jo kuchh chāhā sadā maañg liyā
haath phailā ke dil-e-be-zar-o-dīnār se ham

ḳhāna-e-dil meñ nahīñ ek kiran kā bhī guzar
saarī duniyā hai agar matla-e-anvār to ho

dil kī aañkh se ḳhair ke saare raushan manzar dekhne vālo!
hadd-e-nazar tak phailī huī sab raushniyoñ saare rañgoñ ko

mere āh-e-sard kī tāsīr us ke dil meñ dekh
haa.e kis kis tarah mujh par us ko garmāte haiñ log

mere dil meñ mirī āñkhoñ meñ haiñ terī shakleñ
zeb detā nahīñ da.avā tujhe yaktā.ī kā

dil huā zer-o-zabar aah bhī ham kar na sake
rah ga.e dekh ke naqsha tirī añgḌā.ī kā

jis se jab tak mile dil hī se mile dil jo badlā to fasāna badlā
rasm-e-duniyā ko nibhāne ke liye ham se rishtoñ kī tijārat na huī

dil sahrā kā vo tishna-lab har baar yahī sochā jis ne
mumkin hai ki aage dariyā ho aur koī sarāb nahīñ aa.e

dil jo ā.īna sā nahīñ hotā
yaar jalva-numā nahīñ hotā

sabr kar sabr ai dil-e-mahzūñ
is mohabbat meñ kyā nahīñ hotā

go nasīm-e-sahar hai aah mirī
ġhuncha-e-dil to vā nahīñ hotā

kyuuñ dil aatā tumhāre dar pe sanam
garche shauq-e-liqā nahīñ hotā

dil ko kyuuñ kar 'jamīla' maiñ pheñkūñ
kisī sūrat judā nahīñ hotā

roz ik rāsta badaltā hai
merā dil be-ḳhudī meñ chaltā hai

jāntā hī nahīñ yahāñ koī
kis bahāne se dil bahaltā hai