Tags-Dil

yahāñ jo dil meñ daaġh thā vahī to ik charāġh thā
vo raat aisā gul huā ki sharmsār ho ga.e

sehn-e-dil meñ tumhāre sab va.ade
maiñ ne bachchoñ kī tarah paale the

garche paudā abhī huñ chhoTā sā
aarzū dil meñ hai mire kyā kyā

mahārājoñ ke raaja ai junūñ DañDvat hai tum ko
yahī ab dil meñ aatā hai koī pothī raqam kiije

kahīñ dil kī lagāvaT ko jo yuuñ sūjhe ki tak jā kar
qadīmī yaar se apne bhī ḳhalta koī dam kījiye

aaj tak dahkī huī siine meñ hai aariz kī aag
dil meñ ab tak chubh rahe haiñ un kī palkoñ ke babūl

kar guzarte haiñ ho burī ki bhalī
dil meñ jo kuchh vo Thaan lete haiñ

jis jagah ham ne jalā.e the vafāoñ ke diye
phir usī gaah pe dildār nazar ko tarse

jaane ham kis se muḳhātab haiñ bharī mahfil meñ
baat dil meñ jo na utre hai asar ko tarse

haath se haath milā dil se tabī.at na milī
aap ke saath mirī ek bhī aadat na milī

dil mirā raqsāñ hai jab se aql is shorish meñ hai
larzish-e-pā āsmāñ yā ye jahāñ larzish meñ hai

mujhe shikva nahīñ barbād rakh barbād rahne de
magar allāh mere dil meñ apnī yaad rahne de

na sahrā meñ bahaltā hai na kū-e-yār meñ Thahre
kahīñ to chain se mujh ko dil-e-nāshād rahne de

kisī ḳhvāb kī phir se dastak hai shāyad
dar-e-dil mujhe kholnā paḌ gayā hai

ye kyā sarsarāhaT huī mere dil meñ
qalam rok kar sochnā paḌ gayā hai

jaise hijāb meñ lipTī koī dil-rubā
yā phir

ai bachcho ai hañsne vaalo tārīḳh-e-mohabbat paḌh Daalo
dil vaale ke dil par qaid nahīñ har umr meñ Thokar khātā hai

ban jā.egā allāh kā ghar ḳhud hī kisī din
filhāl 'fanā' dil ko sanam-ḳhāna kaheñge

phir na lagtā ye shahr ik sahrā
phir na gum dil ke qāfile hote

qayām dil ke faiz se haiñ ek dil meñ kar chuke
nazar jo ab raqīb se milā ke dekhte haiñ ham