Tags-Dil

huzūr-e-husn ye dil kāsa-e-gadā.ī hai
huuñ vo faqīr jise bhiik bhī na de koī

baḌe qarīb se ho kar guzar ga.ī duniyā
milā na us se mirā dil kamāl kartā hai

maiñ kahīñ aur dil lagā lūñgā
mat karo ishq is meñ hujjat kyā

garm bāzār hoñ jo nafrat ke
is zamāne meñ dil kī qīmat kyā

dekh apne mā.iloñ ko ki haiñ dil jale paḌe
pazhmurda, dil-fasurda dar uupar Dhale paḌe

aaj hī mahfil sard paḌī hai aaj hī dard farāvāñ hai
koī to dil kī bāteñ chheḌo yaaro mahfil-e-yārāñ hai

mere har ādarsh kā aalam ab to ālam-e-vīrāñ hai
dil meñ terī tamannā jaise mauj-e-reg-e-bayābāñ hai

paañv thakan se chuur haiñ lekin dil meñ sho.ala-e-imkāñ hai
mere liye ik karb-e-musalsal terā jamāl-e-gurezāñ hai

mire dil meñ yaaro jo zaḳhm haiñ baḌe jāñ-gudāz haiñ jāñ-gusil
na bacheñge ab to ye jism-o-jāñ koī us ko merā patā na de

kaun hal zulmat-shikan qindīl-e-bazm-e-āb-o-gil
qasr-e-gulshan kā darīcha sīna-e-gītī kā dil

jalva-e-qudrat kā shāhid husn-e-fitrat kā gavāh
maah kā dil mehr-e-ālam-tāb kā nūr-e-nigāh

lahar khātā hai rag-e-ḳhāshāk meñ jis kā lahū
jis ke dil kī aañch ban jaatī hai sail-e-rañg-o-bū

ek dil aur ye hujūm-e-sogvārī haa.e haa.e
ye sitam ai sañg-dil sarmāya-dārī haa.e haa.e

haañ sambhal jā ab ki zahr-e-ahl-e-dil ke aab haiñ
kitne tūfān terī kashtī ke liye be-tāb haiñ

āñkhoñ meñ rahā dil meñ utar kar nahīñ dekhā
kashtī ke musāfir ne samundar nahīñ dekhā

mish.al-ba-kaf kabhī to kabhī dil-ba-dast thā
maiñ sail-e-tīrgī meñ tajallī-parast thā

sarmāya-e-hayāt the kuchh naqd-e-dāġh-e-dil
sach baat to hai ye ki bahut tañg-dast thā

arz-e-niyāz-e-shauq se thā be-niyāz dil
mulk-e-havas meñ 'ashk' akelā hī mast thā

ḳhat likkhūñ tumheñ yaad karūñ Thiik hai lekin
kyā Thiik mire dil ko qarār aa.e na aa.e