Tags-Dil

ilāhī qāsid abhī na aa.e ki ye tavaqqo.a bhī hai ġhanīmat
kiyā gar inkār saaf us ne to dil kī taskīn kyā kareñge

lo mil bhī jaao na kuchh tumhārī ḳhatā thī us dam na kuchh hamārī
jo ye hī dil ke muāmle haiñ to yūñhī jhagḌe rahā kareñge

jo zehn o dil meñ ikaTThā thā aas kā paanī
use bhī le gayā saath apne yaas kā paanī

muskurāhaT ke ta.āqub meñ 'asar'
āñsuoñ kī dil-shikan tahrīk hai

kabhī to aañkh kī pyaas bujhā
kabhī to dil kā patthar toḌ

dil kī tamannā dil meñ rakh
band galī kā rasta chhoḌ

haañ isī lamhe meñ hotā hai sitāroñ kā nuzūl
shahr-e-ḳhvābīda meñ koī dil-e-bedār hai kyā

hue jo mast 'sāġhar' jaam pī kar
hasīñ dilkash kinārā DhūñDte haiñ

atā huī hai mire dil kī saltanat tujh ko
harīm-e-jāñ meñ utar sham-e-dilbarī le kar

ruup kā rasiyā sukh kā khojī dil hai vo bālak nādān
dar dar ghūme banā bhikārī māñge ḳhushiyoñ kā daan

mol-tol kab karte haiñ bhalā dil sī shai ke gāhak
mahñgī bike yā sastī uTThe haiñ donoñ ek samān

ḳhū meñ chāhe tund ho dil se nihāyat nek hai
bhuul kar sab pichhlī bāteñ mere paas aayā kiyā

dil to shauq-e-dīd meñ taḌpā kiyā
aañkh hī kam-baḳht sharmātī rahī

sozish-e-dil ko bhī mere na bujhāyā tum ne
kaam itnā bhī na ai dīda-e-giryāñ niklā

ahd-e-māyūsī jahāñ tak sāzgār aatā gayā
apne-āpe meñ dil-e-be-iḳhtiyār aatā gayā

us ke ruj.hān-e-nazar meñ dilkashī paate hue
e'tibār-e-gardish-e-lail-o-nahār aatā gayā

dil-e-vīrāñ ko muddat se hai terā intizār aa jā
ḳhudārā ai bahādur inqilābī shahsavār aa jā

na ishq hī ke asar haiñ na dushmanī ke haiñ
ki saare zaḳhm mire dil pe dostī ke haiñ

kahte haiñ kis ko ishq mujhe ye ḳhabar nahīñ
ik mīThā mīThā dard mere dil ke paas hai

'shevan' ye iztirāb-e-mohabbat kā hai karam
dil kyā udaas saarā zamāna udaas hai