Tags-Dil

haath bhī terī nigāhoñ ne uThāne na diyā
dil-e-betāb zarā thaam to lene dete

kisī ke dīda-e-tar ko nazar meñ rakhte haiñ
safar meñ ḳhud ko magar dil ko ghar meñ rakhte haiñ

ik Thes bhī halkī sī patthar se girāñ-tar hai
nāzuk hai ye dil itnā shīshe kā ho ghar jaise

naumīd kare dil ko na manzil kā patā de
ai rah-guzar-e-ishq tire kyā haiñ irāde

har raat guzartā hai koī dil kī galī se
oḌhe hue yādoñ ke pur-asrār libāde

us chashm-e-fusūñ-gar meñ nazar aatī hai aksar
ik ātish-e-ḳhāmosh ki jo dil ko jalā de

qadr ai dil vatan meñ rahne kī
pūchhe pardesiyoñ ke jī se koī

ai dil ai banda-e-vatan hoshiyār
ḳhvāb-e-ġhaflat se ho zarā bedār

ga.ī tasbīh us kī naza.a meñ kab 'mīr' ke dil se
usī ke naam kī sumran thī jab munakkā Dhalaktā thā

ab vo dil meñ kabhī nahīñ aate
muddatoñ se ye ghar paḌā hai ujaaḌ

sañg-dil rakh-rakhāo dil kā rakh
kahīñ is shīshe meñ na aa.e darāḌ

añdherī raat havā saḳht tez vahshat-e-dil
ham aisī shab meñ bhī phirte haiñ dar-ba-dar tanhā

kaisī hotī haiñ udāsī kī jaḌeñ
aa dikhā.ūñ tujhe dil ke reshe

na jaane terī hālat kyā hai us ko dekh kar 'az.har'
mujhe to dil kī dhaḌkan bhī thamī mahsūs hotī hai

abhī kam-sin ho rahne do kahīñ kho doge dil merā
tumhāre hī liye rakkhā hai le lenā javāñ ho kar

uThne ko to uThā huuñ mahfil se tirī lekin
ab dil ko ye dhaḌkā hai jā.ūñ to kidhar jā.ūñ

ġham-e-mohabbat meñ dil ke dāġhoñ se rū-kash-e-lāla-zār huuñ maiñ
fazā bahārīñ hai jis ke jalvoñ se vo harīf-e-bahār huuñ maiñ

har ik se hāl-e-dil kahtā huuñ apnā
ye charchā jā-ba-jā hai aur maiñ huuñ

tabīboñ se kaho ghar lauT jaa.eñ
ye dard-e-dil vo dard-e-dil nahīñ hai

zulf-e-āvāra uḌā le ga.ī dil ko bhī 'salīm'
varna pahle vo javāñ-marg thā kam āvāra