Tags-Dil

dil ne ik naala kiyā aaj is tarah dīvāna-vār
baal bikhrā.e koī msatānā-vār aa hī gayā

tere lahje kī thakan meñ tirā dil shāmil hai
aisā lagtā hai judā.ī kī ghaḌī aa ga.ī dost

ham ne jab hāl-e-dil un se apnā kahā
vo bhī qissa kisī kā sunāne lage

phir koī choT ubhrī dil meñ kasak sī jaagī
yādoñ kī aaj shāyad purvā.ī chal rahī hai

un pe dil hī aa gayā le hī ga.e vo merā dil
ye taqāzā husn kā thā vo sharārat kā asar

kiyā hai maiñ ne aisā kyā ki aisā ho gayā hai
mirā dil mere pahlū meñ parāyā ho gayā hai

dil soz se ḳhālī hai nigah paak nahīñ hai
phir is meñ ajab kyā ki tū bebāk nahīñ hai

jab tirī yaad ke rañgoñ se banā lī ham ne
dil kī dīvār pe tasvīr sajā lī ham ne

ka.ī aañsū mirī ā.ankhoñ meñ hī tahlīl hue
dil meñ aa.e to phir ik yaad manā lī ham ne

rahtā hai zehn o dil meñ jo ehsās kī tarah
us kā koī patā bhī zarūrī nahīñ ki ho

kartā huuñ gila un se jo vīrāni-e-dil kā
kahte haiñ ye bastī nahīñ ābād kisī kī

kuchh aur to ham paas 'mubārak' nahīñ rakhte
rakhtā hai tamannā dil-e-nāshād kisī kī

tujh bin ik dal ho paas rahtā hai
vo bhī akasr udaas rahtā hai

ye shāḳh-e-dil thī hare mausamoñ kī dil-dāda
so dasht-e-hijr meñ taaza rutoñ ko rotī hai

ishq se maiñ Dar chukā thā Dar chukā to tum mile
dil to kab kā mar chukā thā mar chukā to tum mile

jab maiñ tanhā ghaT rahā thā tab kahāñ thī zindagī
dil bhī ġham se bhar chukā thā bhar chukā to tum mile

ab tak hai vahī aalam dil kā vahī rañg-e-shafaq vahī tez havā
vahī saarā manzar jaadū kā mere nain se nain milā.e hue

achchhī sūrat nazar aate hī machal jaatā hai
kisī aafat meñ na Daale dil-e-nāshād mujhe

be-qarārī hī muqaddar hai tirā
nāz-o-andāz-e-dil-e-muztar na dekh

nazar uThā ke kar diyā
ḳhalā ke dil pe vaar bhī