Tags-Dil

khaTak hai āñkhoñ meñ merī ab tak dil us kā bhī ho rahā hai dhak-dhak
na diid mujh ko huī mubārak na raas us ko siñgār aayā

batāo ai 'bahr' apnī jab kī kisī se tum ne bhī dil-lagī kī
ḳhush aa.ī sūrat kisī parī kī kisī pe tum ko bhī pyaar aayā

na dekhā jaan ke us ne koī sabab hogā
isī ḳhayāl se ham dil burā nahīñ karte

jo ek duuje ko chāheñ to kyuuñ na apnā leñ
ye dil se pūchh ke batlā ḳhayāl kaisā hai

aaj kā phuul tirī kokh se zāhir hogā
shāḳh-e-dil ḳhushk na ho ab ke tirī baaī hai

dil ko tanhā.ī kā ehsās bhī baaqī na rahā
vo bhī dhundlā ga.ī jo shakl bahut pyārī hai

tumhāre dekhne ko hasrat-e-hairat-fazā Thahrī
dil-e-mahzūñ se niklī dīda-e-bismil meñ aa Thahrī

tasavvur yaar kā thā sāmne aatī qazā kyuuñ kar
sar-e-bālīñ dam-e-murdan ba-shakl-e-dil-rubā Thahrī

usī andāz ne vīrāñ kiyā hai mere pahlū ko
dil-e-āshiq ke lene ko in āñkhoñ meñ ziyā Thahrī

basān-e-ḳhūn-e-dil chaspāñ huī hai tere talvoñ se
hamārī dushman-e-jāñ ab ye shoḳhī-e-ziyā Thahrī

tumhārī bad-duā se lutf miltā hai mire dil ko
maiñ āshiq huuñ tumhārā vo mire haq meñ duā Thahrī

haañ ye vīrāna ye dil ye ārzūoñ kā mazār
tum kaho to phir ise ābād kar letā huuñ maiñ

dil meñ baiThā hai ye ḳhauf us but kā
haath uTThe ki duā bhuul gayā

hāl-e-dil sunte hī kis lutf se haa.e
kuchh kahā kuchh jo rahā bhuul gayā

vaañ kis ummīd pe phir jaa.e koī
ai dil us baat ko kyā bhuul gayā

kisī ko jā ke batāte haiñ hāl-e-dil 'nāsik'
kisī se hijr ke ādāb pūchh lete haiñ

tujh zulf meñ dil ne gum kiyā raah
is paihamm galī kuuñ intihā na.iiñ

ai sham-e-dil-e-'sirāj' mujh kuuñ
jalne ke baġhair mudda.ā na.iiñ

jazbāt bhī hindū hote haiñ chāhat bhī musalmāñ hotī hai
duniyā kā ishāra thā lekin samjhā na ishāra dil hī to hai

jaan o dil par jitne sadme haiñ isī ke dam se haiñ
zindagī hai fil-haqīqat dushman-e-jānī mirī