Tags-Dil

nazreñ to milātī thiiñ un se kuchh baat na thī ghabrāne kī
ai ishq magar ham chuuk ga.e ye choT thī dil par khāne kī

shab-e-firāq kuchh aisā ḳhayāl-e-yār rahā
ki raat bhar dil-e-ġham-dīda be-qarār rahā

tirā ḳhayāl bhī kis darja shoḳh hai ai shoḳh
ki jitnī der rahā dil meñ be-qarār rahā

adā.eñ dekh chuke ā.īne meñ aap apnī
batā.iye to sahī dil par iḳhtiyār rahā

tasavvur meñ bhī jis kī justujū kartā hai dil merā
usī se hijr meñ bhī guftugū kartā hai dil merā

nadāmat se gunāhoñ par jo rotī haiñ kabhī āñkheñ
inhī pākīza ashkoñ se vuzū kartā hai dil merā

tirī yādoñ ke ḳhanjar zehn ko jab chaak karte haiñ
use jhūTī tasallī se rafū kartā hai dil merā

jasārat dekhne kī jis ko koī bhī nahīñ kartā
usī se do-do bāteñ rū-ba-rū kartā hai dil merā

guzāre the jo mad-hoshī ke aalam meñ kabhī 'sāhil'
unhī lamhoñ kī phir se aarzū kartā hai dil merā

nigāh-o-dil se guzrī dāstāñ tak baat jā pahuñchī
mire hoñToñ se niklī aur kahāñ tak baat jā pahuñchī

mujh ko zamīr Toktā rahtā hai har ghaḌī
logoñ kā dil bhī shīsha-numā kyuuñ nahīñ huā

mālik-e-dil haiñ jab vahī jab hai unhīñ kā iḳhtiyār
murtakib-e-gunāh kyuuñ jurm-o-ḳhatā kī vaj.h kyā

dil hī to hai na aa.e kyuuñ dam hī to hai na jaa.e kyuuñ
ham ko ḳhudā jo sabr de tujh sā hasīñ banā.e kyuuñ

ġham ke maare hue ham log magar collage meñ
dil bahal jaatā hai pariyoñ kā nazāra kar ke

na kar to ai dil majbūr āh-e-zer-e-labī
na TuuT jaa.e kahīñ ye sukūt-e-nīm-shabī

dikhā rahā huuñ nasheb-o-farāz aalam ke
magar ye dil hai ki hai mahv-e-intihā-talabī

kam kam rahā thā din ke samay dil meñ terā aks
shab aa ga.ī to jaise ye shīsha badal gayā

dard-e-dil pāoge vafā kar ke
ham ne dekhā hai tajraba kar ke

log sunte rahe dimāġh kī baat
ham chale dil ko rahnumā kar ke

sailāb-e-tabassum se darmān-e-jarāhat kar
TukḌe dil-e-bismil ke ālūda-e-ḳhūñ kab tak