Tags-Dil

harīm-e-nāz se aatā hai bahra-var koī
dil ā.īna pe liye naqsh-e-fī-hajar koī

ai dard kabhī uTh bhī sahī tañgi-e-dil se
muddat se dar-e-dil pe koī yaad khaḌī hai

vahī-e-badan na utrī us kī hamāre dil par
ham sirf us kī gard-e-shān-e-nuzūl laa.e

vo āñkheñ mast aur gulābī us kī ki un ko dekhe to dekhte hī
mai-e-mohabbat kā us kī dil ko ho kyā hī gahrā nasha do-bālā

vo jāma-zebī vo dil-farebī vo saj-dhaj us kī vo qadd-e-zebā
ki dekh jis par fidā hoñ dil se vo jin ko kahte haiñ sarv-e-bālā

nigah laḌā.ī hai us ne jis dam jhaTak liyā jhap to dil ko mere
adā adā ne idhar dabochā palak palak ne udhar uchhālā

jo le liyā dil ko mere yaaro to us ne lī raah apne ghar kī
paḌā taḌaptā maiñ rah gayā vaañ zabāñ pe aah aur laboñ pe naala

tusā de milne nuuñ dil hai be-kal ehī o gallāñ nit ākhadā hai
sadā le mainūñ de apne ghar vich nahīñ to itthe asā de naal aa

tirī bazm se jo uTh kar tire jāñ-nisār aa.e
dil o jaañ kā sab asāsa tire dar pe vaar aa.e

tirī yaad aaj aaise dil-e-mubtalā meñ aa.ī
sar-e-dasht-e-shām jaise shab-e-nau-bahār aa.e

ġham-e-zindagī maiñ tujh par dil o jaañ nisār kar duuñ
ġham-e-ārzū meñ Dhal kar tū jo ek baar aa.e

gunāh-e-zinda-dilī kahiye yā dil-āzārī
kisī pe hañs liye itnā ki phir hañsā na gayā

karūñ to kis se karūñ dard-e-nā-rasā kā gila
ki mujh ko le ke dil-e-dost meñ samā na gayā

soch ko suujh kahāñ hai ki jo kuchh kah paa.e
dil ne kyā kyā pas-e-dīvār banāyā huā hai

ye to apnoñ hī ke charkoñ kī sulag hai varna
dil ne har aag ko gulzār banāyā huā hai

ḳhāna-e-dil sarā kī sūrat hai
koī is meñ makīñ huā hī nahīñ

sau baar base ye dil kī bastī
sau baar koī ḳharāb kar de

nādāñ ko de diyā 'mubārak'
dil ko na kahīñ ḳharāb kar de

aaj bhī is marhūm kī yādeñ ashkoñ se paivasta haiñ
dil dukhiyārā tere mere dard baTāyā kartā thā

jism kī sūrat rahe dil bhī masarrat meñ sharīk
rūh-e-āzādī bhī ho jaa.e haqīqat meñ sharīk