Tags-Dil

shart hai dard meñ Duubā huā afsāna ho
dil to kyā chiiz hai patthar pe asar hotā hai

sahmī sahmī huī sī har ḳhvāhish
dil-e-vahshat-asar pe baiThī hai

hai hai 'inshā' hamāre dil ko
be-tarah gayā latāḌ kar ishq

na jaane kis ko vo apnā samajh ke apnā leñ
nazar ko dil ko tamannā ko baarī baarī rakh

muddat se taqāza hai ki lauTā do mirā dil
muddat se bahānā hai abhī DhūñD rahe haiñ

sair-e-bāzār-e-jahāñ karte hue ham ko chalā
dil kī qīmat kā pata phuul kī arzānī se

qāfile misl-e-sabā dil se guzar jaate haiñ
kaun miltā hai bharī bhiiḌ meñ āsānī se

chhoḌ kar aañsū ko laḳht-e-dil gayā ham-rāh-e-āh
naav ḳhushkī meñ chalī āb-e-ravāñ be-kār hai

māñgtā huuñ bosa maiñ jis dam to us dam yaar ke
kaar meñ lab par nahīñ hai dil meñ haañ be-kār hai

kabhī samt-e-ġhaib siiñ kyā havā ki chaman zuhūr kā jal gayā
magar ek shāḳh-e-nihāl-e-ġham jise dil kaho so harī rahī

nazar-e-taġhāful-e-yār kā gila kis zabāñ siiñ bayāñ karūñ
ki sharāb-e-sad-qadah aarzū ḳhum-e-dil meñ thī so bharī rahī

kiyā ḳhaak ātish-e-ishq ne dil-e-be-navā-e-'sirāj' kuuñ
na ḳhatar rahā na hazar rahā magar ek be-ḳhatarī rahī

le aa.e kūcha-e-dilbar se dil ko samjhā kar
hai be-qarār bahut dekh-bhāl kā kyā ho

na pūchh hāl-e-dil-e-zār ham-nashīñ mujh se
kaleja chāhiye patthar kā rāzdāñ ke liye

zamāne kī kashākash kā diyā paiham pata mujh ko
kahīñ TuuTe hue dil ne kahīñ TuuTe hue sar ne

fidā-e-rañg-o-roġhan sat.h-bīiñ se kyā ġharaz us ko
jagah dī jis ko chashm o dil meñ har ik ahl-e-jauhar ne

mire dil pe haath rakh kar mujhe dene vaale taskīñ
kahīñ dil kī dhaḌkanoñ se tujhe choT aa na jaa.e

gar ab ke vasl ho to na mānūñ meñ ek bhī
dil ke nikālūñ hasrat-o-armāñ na.e na.e

fareb-e-qurb-e-yār ho ki hasrat-e-supurdagī
kisī sabab se dil mujhe ye be-qarār chāhiye

'qadr' kyā apne paas dil ke sivā
uḌeñ par vaale phūleñ zar vaale