Tags-Dil

andar aisā habs thā maiñ ne khol diyā darvāza
jis ne dil se jaanā hai vo ḳhāmoshī se jaa.e

farsh-e-rah haiñ jo dil-afgār tire kūche meñ
ḳhaak ho raunaq-e-gulzār tire kūche meñ

nadāmat ho mujhe apnī jafā par ye to mumkin hai
tirā dil ho pashīmān-e-jafā ye ho nahīñ saktā

jab barkhā kī rut aatī hai jab kaalī ghaTā.eñ uThtī haiñ
jis vaqt ki rindoñ ke dil se hū-haq kī sadā.eñ uThtī haiñ

aflāk pe jab ye lākhoñ taare jagmag jagmag kartī haiñ
jab taare gin gin kar dil vaale ThanDī sāñseñ bharte haiñ

jab raat kā baḌhtā hai sannāTā chain se duniyā sotī hai
tab aañkh mirī khul jaatī hai aur dil kī rag rag rotī hai

jab rotā hai bahzād-e-'hazīñ' vo shā.ir vo dīvāna sā
vo dil vaalā vo saudā.ī vo duniyā se begāna sā

aarzū meñ tirī yak muddat se
apne dil ke ta.iiñ tarsātā huuñ

chaav jo dil meñ bhare haiñ pyāre
tujh se kahtā huā sharmātā huuñ

dil-e-ġham-ghīñ ke ta.iiñ murdā sā
god meñ apne uThā laatā huuñ

ye dil duniyā se baaz aane lagā hai
ki ab siine meñ raaz aane lagā hai

shāyad mirī ulfat ko bahut yaad karogī
apne dil-e-māsūm ko nāshād karogī

dil kā ajiib haal hai terī sadā ke ba.ad
jaise ki āsmān kā manzar ghaTā ke ba.ad

ye nā-umīdī kī intihā hai ki āgahī kī hai koī manzil
ye dil ko kyā āriza huā hai ise kisī se gila nahīñ hai

zarā dam to lene de ai chashm-e-jādū
baḌī muddatoñ meñ dil achchhā huā hai

hijāb-e-nazar se khule bhed dil ke
abas ham se zāhir meñ pardā huā hai

hamārī tumhārī to haiñ dil kī bāteñ
na maano agar us kā charchā huā hai

zehn aur dil meñ jo an-ban hai vo an-ban na rahe
is liye darmiyāñ dīvār banā rakkhī hai

vo kahte haiñ ki hai TuuTe hue dil par karam merā
magar min-jumla-e-ādāb-e-ġham-ḳhvārī hai ġham merā

ḳhud-baḳhud ālam-e-dil zer-o-zabar hotā hai
nīchī nazroñ meñ qayāmat kā asar hotā hai