Tags-Dil

bigāḌeñ charḳh se ham 'aish' kis bharose par
na aah meñ hai na soz-e-dil-o-jigar meñ asar

dil ko phir banāne meñ vaqt chāhiye kuchh to
kirchiyāñ uThāne meñ vaqt chāhiye kuchh to

is qadar nahīñ āsāñ jitnā ham ne samjhā thā
hāl-e-dil sunāne meñ vaqt chāhiye kuchh to

dard-e-dil baḌhāne ko ek lamha kaafī hai
dard-e-dil ghaTāne meñ vaqt chāhiye kuchh to

dil mahv-e-sadā-e-dard kyuuñ hai
ye arz-e-hunar-gudāz kyā hai

ajab hī aag hai dil kī ki is meñ
vahī jaltā hai jo jaltā nahīñ hai

hasīñ chāñdnī ho yā sāvan kī rut ho kasak us ke dil meñ jagātī to hogī
kisī ke tasavvur ko pahlū meñ pā kar vo sharmā ke ḳhud kasmasātī to hogī

munkashif hone lage jab se rumūz-o-asrār
kuchh savāl ab dil-e-ma.asūm ajab pūchhe hai

vahshat-e-dil meñ kamī ho bhī to kyaa, hāl-e-darūñ
aur baḌh jaatī hai kuchh, ham se vo jab pūchhe hai

jis ne barbād kiyā ḳhāna-e-dil rah rah kar
kyā qayāmat hai, vahī is kā sabab pūchhe hai

ab ye aalam hai ki ḳhud vahshat-e-dil bhī 'ḳhālid'
ghar mire der se aane kā sabab pūchhe hai

chorī meñ dil kī vo hunar kar gayā
dekhte hī āñkhoñ meñ ghar kar gayā

dil nahīñ hai manzil-e-sīna meñ ab
yaañ se vo bechāra safar kar gayā

haif jo vo nusḳha-e-dil ke upar
sarsarī sī ek nazar kar gayā

har-chand dil ko tark-e-mohabbat kā thā ḳhayāl
lekin kisī kā ahd-e-vafā yaad aa gayā

hāl-e-dil kis se kahe kis se lipaT kar ro.e
shahr-dar-shahr bhaTaktī hai ghaTā mere ba.ad

in meñ lahū jalā ho hamārā ki jaan o dil
mahfil meñ kuchh charāġh farozāñ hue to haiñ

mujhe haal dil kā sunānā hai jis ko
use mere baare meñ sab kuchh pata hai

jahāñ ho pyaar ġhalat-fahmiyāñ bhī hotī haiñ
so baat baat pe yuuñ dil burā nahīñ karte

sāyoñ se lipaT rahe the saa.e
dil phir bhī fazā meñ jagmagā.e