Tags-Dil

pahle-pahal jab aap kā joban itnā shahr-āshob na thā
ik mushtāq se sāda-dil insāñ kī parastish yaad kareñ

aap se mumkin hai dil-jūī yazdāñ kī ye riit nahīñ
jis ko sun kar chup rahnā hai us se kyā fariyād kareñ

dil-o-nazar ko abhī tak vo de rahe haiñ fareb
tasavvurāt-e-kuhan ke qadīm but-ḳhāne

kaun aa.egā bhuul kar rasta
dil ko kyuuñ zid hai ghar sajāne kī

sukūn phir bhī to vahshat-sarā-e-dil meñ nahīñ hai
nigāh-e-yār agarche sharīk-e-hāl huī hai

lakīr nuur kī jo āsmān-e-dil pe banī hai
añdherī raat kā hamla huā to Dhaal huī hai

dar-e-mai-kada hai khulā huā sar-e-charḳh aaj ghaTā bhī hai
chale daur-e-sāqī-e-dilrubā ki chaman meñ raqs-e-sabā bhī hai

ġham-e-zindagī sahī jāñ-gusil magar is se koī bachā bhī hai
yahī ġham hai rāz-e-nashāt-e-dil yahī zindagī kā mazā bhī hai

yahī zaḳhm-e-dil jo nasīb hai yahī soz-e-dil kā naqīb hai
ye mire ḳhulūs kā rañg hai kisī nāznīñ kī atā bhī hai

dil bhī us se uThā nahīñ sakte
nā-tavānī sī nā-tavānī hai

ab kahāñ aur kisī chiiz kī jā rakkhī hai
dil meñ ik terī tamannā jo basā rakkhī hai

dil sulagtā hai tire sard ravayye se mirā
dekh is barf ne kyā aag lagā rakkhī hai

jaise tū hukm kare dil mirā vaise dhaḌke
ye ghaḌī tere ishāroñ se milā rakkhī hai

kuchh samajh meñ mirī nahīñ aatā
dil lagāne se fā.eda kyā hai

dard-shanās dil nahīñ jalva-talab nazar nahīñ
hādsa kitnā saḳht hai un ko abhī ḳhabar nahīñ

aur baḌhegā dard-e-dil raat jo bhiig jā.egī
dekh na vaqt kī taraf vaqt bhī chārāgar nahīñ

dil ke ta.alluqāt se kaun sā dil ko chain hai
aao kisī se toḌ leñ rishta-e-dil magar nahīñ

dil se 'shamīm' guftugū dekhiye kab talak chale
raat bhī muḳhtasar nahīñ baat bhī muḳhtasar nahīñ

jo hotā aah tirī āh-e-be-asar meñ asar
to kuchh to hotā dil-e-shoḳh-e-fitnagar meñ asar

bas ik nigāh meñ māshūq chhīn leñ haiñ dil
ḳhudā ne un kī diyā hai ajab nazar meñ asar