Tags-Dil

pahle bas dil ko ḳhabar thī dil kī
ab vafā aam huī sab dekheñ

muḳhālif us ke kuchh kuchh aa rahī haiñ dil kī āvāzeñ
magar ham se hijāb-e-darmiyāñ kuchh aur kahtā hai

dil thā pahlū meñ to kahte the tamannā kyā hai
ab vo āñkhoñ meñ talātum hai ki dariyā kyā hai

dil pe qaabū ho to ham bhī sar-e-mahfil dekheñ
vo ḳham-e-zulf hai kyā sūrat-e-zebā kyā hai

letā nahīñ mire dil-e-āvāra kī ḳhabar
ab tak vo jāntā hai ki mere hī paas hai

us ne nigāh-e-lutf-e-karam baar baar kī
ab ḳhairiyat nahīñ hai dil-e-be-qarār kī

'zākir' ham apnā dil bhī vahīñ chhoḌ aa.e haiñ
kis darja pur-kashish thī fazā us dayār kī

rāteñ us ke hijr meñ ab bhī naza.a ke aalam meñ kaTtī haiñ
dil meñ vaisī hī vahshat hai tan meñ jaan abhī baaqī hai

shikast o fat.h miyāñ ittifāq hai lekin
muqābla to dil-e-nā-tavāñ ne ḳhuub kiyā

dil kī kudūrateñ agar insāñ se duur hoñ
saare nifāq gabr o musalmāñ se duur hoñ

dil is qadar gudāz hai barsoñ hī ġham rahe
aañsū jo apne dīda-e-giryāñ se duur hoñ

fasl-e-bahār aa.ī hai kapḌoñ ko phāḌiye
dil ke buḳhār dast-o-garebāñ se duur hoñ

ai dil is kā tujhe andāz-e-suḳhan yaad nahīñ
vo phirī aañkh vo māthe kī shikan yaad nahīñ

hijr meñ dil ke hameñ dāġh-e-kuhan yaad nahīñ
muskurāte hue phūloñ kā chaman yaad nahīñ

bāb-e-hairat se mujhe izn-e-safar hone ko hai
tahniyat ai dil ki ab dīvār dar hone ko hai

ḳhud-e'timād kabhī the par ab ye aalam hai
hazār vasvase dil meñ haiñ kaam se pahle

abhī kuchh din mujhe is shahr meñ āvāra rahnā hai
ki ab tak dil ko us bastī kī shāmeñ yaad aatī haiñ

magar jis din ye rishta yaad kā TuuTā to phir us din
na dil hogā na ye ehsās hī ki dil bhī rakhte the

kis kāfir-e-be-mehar se dil apnā lagā hai
jis meñ ki mohabbat na muravvat na vafā hai

gar chāhe gulshan-e-dil-e-pur-dāġh kī bahār
tū tuḳhm-e-ashk jitne ki ai diida bo sake