Tags-Dil

tere ruup kā saaya to
sīdhā dil par paḌtā hai

nahīñ mauqa ye pursish-e-ġham kā
dekhiye dil dukhā huā hai abhī

kal guzar jaa.e dil pe kyā ma.alūm
ishq saada sā vāqi.a hai abhī

dil hai qadmoñ par kisī ke sar jhukā ho yā na ho
bandagī to apnī fitrat hai ḳhudā ho yā na ho

dil-e-azīz ko tere supurd kar diyā hai
tū dil lagā ke zarā us kī dekh bhaal to kar

tā.at-e-amn-o-sukūñ kā dil ko lekin ho jo shauq
sabr par tab-e-havas-añgez ko raazī karo

nahīñ koī dil meñ tire sivā tū mirā sanam hai mirā ḳhudā
mire dil ko jis se jilā mile unheñ nisbatoñ se navāz de

haañ tujh se bevafā.ī kī ummīd to nahīñ
par sach kahūñ to dil meñ ka.ī vāhime haiñ yaar

umr bhar khul sakī na dil kī girah
ḳhuub shaġhl-e-kushūd-kārī hai

bhar na pā.egā zaḳhm-e-dil 'sāhir'
zarb-e-harf-e-husūd kaarī hai

dil gavārā nahīñ kartā hai shikast-e-ummīd
har taġhāful pe navāzish kā gumāñ hotā hai

dāġh-e-dil kī zardārī muft haath kab aa.ī
ḳhaak ho ke paayā hai rāz-e-kīmiyā ham ne

har aadmī ke dil meñ ghar kar rahī hai 'shātir'
mahbūb mehrbāñ hai urdu zabāñ hamārī

dil-shikasta hue TuuTā huā paimān bane
ham vahī haiñ jo tumheñ dekh ke anjān bane

tū ne yuuñ dekhā hai jaise kabhī dekhā hī na thā
maiñ to dil meñ tire qadmoñ ke nishāñ tak dekhūñ

mahfil meñ jise ma.alūm nahīñ ehsās kī karvaT kyā shai hai
vo dil kī suunī vaadī meñ ġham kī añgḌā.ī kyā jaane

mujhe to yuuñ bhī isī raah se guzarnā thā
dil-e-tabāh kā kuchh to ilaaj karnā thā

batā tū dil ke bachāne kī koī raah bhī hai
tirī nigāh kī nāvak-fagan panāh bhī hai

kyūñkar baġhair jalva-e-hairat tarāz-e-husn
paa.eñ najāt dil kī pareshāniyoñ se ham

jigar kā juuñ sham.a kaash yā-rab ho daaġh raushan murād hāsil
ki dil ko lau lag rahī yahī hai charāġh raushan murād hāsil