Tags-Dil

āzād ho sakā na giraftār-e-shash-jahat
dil muft banda-e-havas-e-bāl-o-par huā

fardā kā dhyān bāñdh ke kahtā hai mujh se dil
tū merī tarah kyuuñ na vasī-un-nazar huā

fardā ko duur hī se hamārā salām hai
dil apnā shaam hī se charāġh-e-sahar huā

gurez ishq se lāzim sahī magar 'rif.at'
jo dil hī baat na maane to kyā kiyā jaa.e

dil kī dhaḌkan mire māthe kī shikan hai ki nahīñ
rūh-e-taqdīr samajh ālam-e-taqdīr na dekh

vo ajnabī thā ġhair thā kis ne kahā na thā
dil ko magar yaqīn kisī par huā na thā

ham ko to ehtiyāt-e-ġham-e-dil aziiz thī
kuchh is liye bhī kam-nigahī kā gilā na thā

kuchh is qadar thī garmī-e-bāzār-e-ārzū
dil jo ḳharīdtā thā use dekhtā na thā

ye ḳhauf dil meñ ubhartā hai dard kī sūrat
badal na jaa.e kahīñ e'tibār kā mausam

khile hue haiñ umīdoñ ke phuul dil meñ magar
guzar na jaa.e kahīñ intizār kā mausam

sukūn-e-qalb mayassar ho ḳhvāb puure hoñ
kabhī to aa.e dil-e-be-qarār kā mausam

mil jaa.e mujh ko ḳhaak jo qadmoñ kī aap ke
dil kyā hai maiñ to jaan bhī de duuñ ḳhushī ke saath

vo kaun hai vo kyā hai jo is dil meñ chhupā hai
jaise ki koī saañp kisī bil meñ chhupā hai

vo ho fasl-e-gul ki fazā-e-dil jo milā kahīñ to junūñ milā
magar ik ḳhirad hī na mil sakī jo milī to sarf-e-rafū milī

hijr kī shab nāla-e-dil vo sadā dene lage
sunñe vaale raat kaTne kī duā dene lage

aa.iye hāl-e-dil-e-majrūh suniye dekhiye
kyā kahā zaḳhmoñ ne kyuuñ Tāñke sadā dene lage

kis nazar se aap ne dekhā dil-e-majrūh ko
zaḳhm jo kuchh bhar chale the phir havā dene lage

but-parastī sheva-e-dil ho to koī kyā kare
ab to kaabe meñ hubal aur laat bhī baaqī nahīñ

ab aage dekhiyo jītūñ na jītūñ yā qismat
mirī bisāt meñ dil hai ise lagā denā

ik nayā karb mire dil meñ janam letā hai
qāfila dard kā kuchh der jo dam letā hai