Tags-Dil

ġhulām us kī laToñ kā hai nahīñ goroñ kā ye 'aḳhtar'
kabhī āzād kyā dil kā mire hindostāñ hogā

un kī bebākiyāñ sahī dil ne
varna dil be-zabāñ nahīñ hotā

saḳhtiyāñ himmat-e-dil ho to badal jaatī haiñ
maut ik khel hai lekin tire shaidā.ī kā

dil-e-nāzuk mutahammil nahīñ ġham ho ki surūr
phuul maqtūl hai ḳhud apnī hī ra.anā.ī kā

na huā vasl-e-tamannā na ghaTī vahshat-e-dil
kyā natīja thā mirī bādiya-paimā.ī kā

le ga.iiñ nīchī nigāheñ dil ko
aañkh uThā kar abhī dekhā hī nahīñ

rashk-e-dushman se nasīhat huī aap
dil vahāñ jaane ko hotā hī nahīñ

'salīm' ab tak kisī ko ba-duā dī to nahīñ lekin
hamesha ḳhush rahe jis ne hamārā dil dukhāyā hai

har ghaḌī ik sitam ījād kiyā hai ham ne
shahr-e-dil ḳhud tujhe barbād kiyā hai ham ne

kis qadar aaj havāoñ meñ laraztā rahā dil
kis qadar aaj tujhe yaad kiyā hai ham ne

kahīñ bhī dil nahīñ lagtā hamārā
na jaane ham ko ye kyā ho gayā hai

jo ab ke dard uThā dil meñ āḳhirī hogā
jo ho sake to use merā chāragar karnā

jī in dinoñ meñ aap se bhī hai ḳhafā va-lek
bezār jo nahīñ hai to dildār se ġharaz

phir phir ke aaj pūchhte ho dil kā haal kyuuñ
hai ḳhair tum ko kyā dil-e-bīmār se ġharaz

bachpane kī dars-gāhoñ meñ purāne TaaT par
dil ne hairānī kī pahlī bārgah tasḳhīr kī

duniyā se kyā matlab mujh ko aalam se kyā tujh ko ta.alluq
merā dilbar terā shaidā maiñ hī maiñ huuñ tū hī tū hai

dil na tujhe lenā thā mujh se jaan mujhe denī thī na tujh par
kaisā duniyā bhar meñ rusvā maiñ hī maiñ huuñ tū hī tū hai

va.ada kar ai dilkash laḌkī vasl se le kar hijr talak
rishta chāhe jaisā bhī ho ḳharcha apnā apnā hai

mujh ko bone the dil meñ aur kisī ke ġham 'āfī'
lekin dil kī surḳhī zamīñ par ab tak us kā qabza hai

koī bādal koī sūrat koī dil
nazar bīmār hotī jā rahī hai