Tags-Dil

maqtal-e-shauq ke ādāb nirāle haiñ bahut
dil bhī qātil ko diyā karte haiñ sar se pahle

usī ke saath chaltā hai koī ummīd kā jugnū
ki jis ke dil meñ bhī koī charāġh-e-ishq jaltā hai

jo hasīñ husn-e-taġhāful se guzar jaatā hai
chāhne vāloñ ke vo dil se utar jaatā hai

umr-bhar karvaTeñ letā hai vo paikān-e-nazar
aañkh kī raah se jo dil meñ utar jaatā hai

yak-ba-yak kaise bhulā duuñ unheñ 'ja.afar' dil se
jaate jaate hī mohabbat kā asar jaatā hai

dil vo sahrā hai ki jis meñ raat din
phuul khilte haiñ bahār aatī nahīñ

dil meñ hasrat koī bachī hī nahīñ
aag aisī lagī bujhī hī nahīñ

kyā huā jo sitāre chamakte nahīñ daaġh dil ke farozāñ karo dosto
sub.h-e-ishrat pareshāñ huī so huī shām-e-ġham to na vīrāñ karo dosto

hai vaj.h-e-tamāshā-e-jahāñ dil-shikanī bhī
manzūr hai ai dost! ye neze kī anī bhī

tum ne likkhā hai mire ḳhat mujhe vāpas kar do
Dar ga.iiñ husn-e-dil-āvez kī rusvā.ī se

nazr-e-nigāh-e-nāz haiñ dil kī nazākateñ
shīshe ko chuur chuur kiye jā rahā huuñ maiñ

havā hai tez magar apnā dil na mailā kar
maiñ is havā meñ tujhe duur tak sadā dūñgā

ḳhūn-e-dil se kisht-e-ġham ko sīñchtā rahtā huuñ maiñ
ḳhālī kāġhaz par lakīreñ khīñchtā rahtā huuñ maiñ

ye giroh-e-asīrān-e-kizb-o-riyā bandagān-e-diram bandagān-e-anā
ham faqat ahl-e-dil ye faqat ahl-e-zar umr kaise kaTegī yahāñ yā aḳhī

dil meñ koī chiiz chamaktī bujhtī rahtī hai jo 'zafar'
fikrmand bhī rahtā huuñ maiñ usī dhaat ke baare meñ

is bazm meñ paate nahīñ dil-soz kisī ko
yaañ sham.a hamārī hai na parvāna hamārā

kis ke ruḳh-e-raushan kā tasavvur hai ye dil meñ
hai manzil-e-ḳhurshīd siyah-ḳhāna hamārā

nāseh kī nasīhat se hai zid aur bhī dil ko
suntā nahīñ hoshyār kī dīvāna hamārā

dil le chuke phir bose kī takrār hai bhejā
do jins hī yā pher do bai.āna hamārā