Tags-Dil

dil kis se lagā.ūñ kahīñ dilbar nahīñ miltā
kyā zulm sahūñ koī sitamgar nahīñ miltā

gunjalak nahīñ miTtī jo tabī.at meñ paḌī hai
dil tujh se kisī taur se dilbar nahīñ miltā

gard-e-kulfat bas-ki chhā.ī dil se tā ā.ankhoñ talak
nahr thī jaarī jo ā.ankhoñ kī mire so paT ga.ī

jī adā ne zulf ne dil hosh ġhamzoñ ne liyā
jins-e-hastī apnī sab ġhārat meñ aa kar baT ga.ī

parde hī parde meñ dil ko ḳhaak kar Daalā mire
is adā se vo parī muñh par liye ghuñghaT ga.ī

zulf gar chhidrī huī tere to mat khā pech-o-tāb
kyā huā az-bas uThā.e bojh dil ke luT ga.ī

vo jān-e-intizār aa.e na aa.e
mire dil ko qarār aa.e na aa.e

sabā dekh ik din idhar aan kar ke
ye dil bhī paḌā hai gulistān kar ke

yahī dil jo ik buuñd hai bahr-e-ġham kī
Dubo degā sab shahr tūfān kar ke

miyāñ dil ko is ā.ina-rū ke aage
jo rakhnā to yak-laḳht hairān kar ke

huī muddateñ ai dil-e-hazīñ na payām hai na salām hai
ki usī ko kahte haiñ dostī ki usī kā dostī naam hai

tū sukūn-o-sabr miTā.e jā ġham-e-ishq mujh ko rulā.e jā
ho taḌap taḌap ke sahar mujhe yahī dard-e-dil tirā kaam hai

maiñ dikhā.ūñ kis ko ye hāl-e-dil maiñ sunā.ūñ kis ko ye hāl-e-dil
kahīñ mujh se ḳhāna-ba-dosh ko na qarār hai na qayām hai

mujhe dard tū ne atā kiyā mire mehrbāñ tirā shukriya
banā dard-e-dil tirā zindagī tire dard-e-dil se hī kaam hai

na qarār aa.e kisī tarah mire dard-e-dil tū taraqqī kar
shab-e-ġham taḌapte hī ho sahar shab-e-ġham taḌapne se kaam hai

ye kaisī us kī hai dostī ye batā to mujh ko dil-e-hazīñ
nahīñ jis ko duur kā vāsta use duur hī se salām hai

jo dekhtā hai so pahchāntā nahīñ, aisī
badal ga.ī hai dil-e-nā-tavān kī sūrat

agar hazār musavvir ḳhayāl dil meñ kareñ
kabhū na khīñch sakeñ us kī aan kī sūrat

kuchh batātā nahīñ tirā 'hasrat'
jaane ab dil meñ kyā hai pāgal ke

maiñ to gulzār se dil-tañg chalā ġhuncha-ravish
mujh ko kyā phir jo koī phuul khilā mere ba.ad