Tags-Dil

hairān huuñ vahāñ maiñ kahūñ kyā zabān se
'āsī' nigāh dil kī jahāñ tarjumāñ nahīñ

dil de to is mizāj kā parvardigār de
jo rañj kī ghaḌī bhī ḳhushī se guzār de

umr bhar jis pe takiya rahā kuchh na thā dil nahīñ māntā
kyā karūñ tajzyoñ kā aTal faisla dil nahīñ māntā

kauñd kar ek lamha jo phir jā milā vaqt ke abr meñ
chhoḌ degī use vaqt kī māmtā dil nahīñ māntā

ghup-añdhere se letī hai kyūñ-kar janm raushnī kī lagan
ye karishma nahīñ hai kisī sham.a kā dil nahīñ māntā

ḳhushk hī kyuuñ na ho jaa.e dariyā mirā lahr ban ban ke maiñ
DhūñDhnā chhoḌ duuñ ḳhushkiyoñ kā sirā dil nahīñ māntā

apne markaz ko ik vahm samjhā kiyā aql kā dā.era
jis ko kuchh apne dām-e-kashish ke sivā dil nahīñ māntā

us kī tasvīr ko dekhte dekhte ye huā kyā mujhe
ya.anī behis hai tasvīr kī har adā dil nahīñ māntā

dil meñ kuchh hai zabāñ se nikaltā hai kuchh baat aisī hai kuchh
merā matlab 'muhib' koī pā jā.egā dil nahīñ māntā

tilism-e-sheva-e-yārāñ khulā to kuchh na huā
kabhī ye habs-e-dil-o-jāñ khule to baat chale

koī kyā jāntā hai kis qadar bose liye ham ne
samajhte haiñ ham us ko yā hamārā dil-rubā samjhe

butoñ se ham ne joḌā rishta-e-dil ko vo kāfir hai
agar is rishta ko koī hamāre nāravā samjhe

hai insāñ ke liye lāzim jahāñ meñ dekh kar chalnā
vo hai haivāñ na dil meñ jo zamāne kī havā samjhe

agar us ne kabhī toḌā hamāre gauhar-e-dil ko
ham us ke haq meñ us ke TūTne ko momiyā samjhe

naqd-e-dil kā baḌā taqāzā hai
goyā un kī zamīñ jote haiñ

sabab to kuchh bhī nahīñ aur udaas rahtā hai
ye kaisā dard hai jo dil ke paas rahtā hai

maiñ kāTtā huuñ har ek lamha karbalā kī tarah
laboñ pe pyaas to dil meñ hirās rahtā hai

maiñ kal talak jise ik aañkh bhī ye bhātā thā
usī ke dil meñ mirā ab nivās rahtā hai

dil hai us parde meñ koī varna
sham.a soz o gudāz kyā jaane

jis ke dil meñ na soz ho vo 'jalīl'
kaif-e-āvāz-e-sāz kyā jaane