Tags-Dil

tere jaane pe ab ke kuchh na kahā
dil meñ Dar thā malāl thā kyā thā

jis pe dil saare ahd bhuul gayā
bhūlne kā savāl thā kyā thā

kiyā ġhārat mohabbat kī faqat ek tez bārish ne
utar kar dil se sab rañg-e-tamannā duur tak aayā

tulū-e-sā.at-e-shab-ḳhūñ hai aur merā dil
kisī sitāra-e-bad kī nigāh meñ aayā

mah o sitāra se dil kī taraf chalā vo javāñ
adū kī qaid se apnī sipāh meñ aayā

ġham yaar kā na bhūle so baaġh agar dikhā deñ
kab dil chaman meñ vā ho mātam-rasīdgāñ kā

rañg-e-hinā pe tohmat us lāla-rū ne bāñdhī
hāthoñ meñ mal ke aayā ḳhuuñ dil-tapīdgāñ kā

ahl-e-qubūr uupar vo shoḳh kal jo guzrā
betāb ho gayā dil ḳhāk-ārmīdgāñ kā

sub.h rañgīn-o-javāñ shaam suhānī māñge
dil-e-betāb ki terī hī kahānī māñge

ġhuncha-e-shauq 'shamīm' aaj khilā hai shāyad
dil-e-vahshat-zada ḳhūñ-nāba-fashānī māñge

dil agar is ḳhaak meñ zinda o bedār ho
terī nigah toḌ de ā.īna-e-mehr-o-māh

dil ko kis bū-qalamoñ jalve ne hai ḳhuun kiyā
ashk ā.ankhoñ se jo ye rañg-ba-rañg aate haiñ

tere kunisht se maiñ vāqif nahīñ barahman
apne harīm-e-dil ko but-ḳhāna jāntā huuñ

dāman-e-qātil jo uḌ uḌ kar havā dene lage
kyā batā.ūñ zaḳhm-e-dil kyā kyā duā dene lage

kyā muḳhālif ho ga.ī ham se zamāne kī havā
'yās' dekho hazrat-e-dil bhī daġhā dene lage

kabhī bhuul kar bhī na baat kī mujhe dil se aisā bhulā diyā
kahūñ kyā maiñ terī sharārteñ ki jigar ko tū ne jalā diyā

ġham-e-ishq kī sunī dāstāñ to kaleja thaam ke yaar ne
ye kahā ki qissa ajiib thā mire dil ko us ne kuḌhā diyā

azal se tīra-baḳht-e-ishq ke hisse meñ aayā hai
shab-e-ġham-e-dil kā jal jal kar charāġh-e-tūr ho jaanā

dil karo ḳhuuñ to kyā hai dildārī
jaan jaatī rahe to kyā hai ishq

ġham-zadā.ī meñ ġham-fazā kyā kuchh
dil-rubā yā na jāñ-rubā hai ishq