Tags-Dil

tirī chaal dhun tirī saañs sur mire dil ko aa ke sambhāl bhī
jo ye jal-tarañg zarā bajā to ye Daal degā dhamāl bhī

merā aanā dil meñ tere
tez havā kā jhoñkā niklā

indar kī ḳhāmoshī TuuTī
dil se shor-sharāba niklā

dekheñ ab kyā dil-jaloñ se bol bole jā.eñge
laag hī se phuuT kyā dil ke phaphole jā.eñge

roz Dahe jaa.e ye haarā tan o jaañ kā lekin
Dher meñ ik dil-e-be-tāb salāmat rah jaa.e

dil kisī mauj-e-junūñ meñ jo lahū se likh de
aisī tahrīr sar-e-āb salāmat rah jaa.e

pyaar vo peḌ hai sau baar ukhāḌo dil se
phir bhī siine meñ koī daab salāmat rah jaa.e

maiñ chaah kar bhī kisī moḌ par nahīñ ruktā
dil-o-nigāh meñ rahtā hai iztirāb koī

sar-bulandī ko yahāñ dil ne na chāhā mun.im
varna ye ḳhema-e-aflāk purānā kyā thā

sāqiyā apnī balā se jo ghaTā uTThī hai
de ke ik jur.a-e-mai dil ko ghaTānā kyā thā

sarzamīñ zulf kī jāgīr meñ thī is dil kī
varna ik daam kā phir is meñ Thikānā kyā thā

ishq ke daaġh ko dil mohr-e-nabuvvat samjhā
Dar hai kāfir kahīñ dāvā-e-nabūvat na kare

ḳhayāl yaar mujhe jab lahū rulāne lagā
to zaḳhm zaḳhm mire dil kā muskurāne lagā

na chhīn mujh se surūr-e-shab-e-firāq na chhīn
qarār-e-dil ko na dastak ke tāziyāne lagā

ġhuncha jo sar-e-shāḳh chaTakte hue dekhā
pahlū meñ bahut dil ko dhaḌakte hue dekhā

ai yār-e-dil-nashīñ vo adā kaun le gayā
tere nagīñ se naqsh-e-vafā kaun le gayā

kyuuñ paalā ye dukh 'raḳhshanda'
dil kī jab auqāt nahīñ thī

vo ā.īna ho yā ho phuul taara ho ki paimāna
kahīñ jo kuchh bhī TuuTā maiñ yahī samjhā mirā dil hai

ujālā ho to DhūñDūñ dil bhī parvānoñ kī lāshoñ meñ
mirī barbādiyoñ ko intizār-e-sub.h-e-mahfil hai

vo dil le kar hameñ be-dil na samjheñ un se kah denā
jo haiñ maare hue nazroñ ke un kī har nazar dil hai