Tags-Dil

zabt-e-ġham kar bhī liyā to kyā kiyā
dil kī rag rag se lahū Tapkā kiyā

manzar shamshān ho gayā hai
dil qabristān ho gayā hai

jab talak dil meñ na ho ik shaḳhs kī ulfat ko raah
kholnā be-fā.eda hai dekh use ghar ke kivāḌ

vo jo lailā hai mire dil meñ sune us kā jo shor
qais nikle gor se bāhar kafan ko chīr-phāḌ

dil bikharne pe kyuuñ ye maa.il hai
rañg kis kā hai ye nikharne ko

juuñ sham.a us anjuman se 'bedār'
le dāġh-e-dil-o-jigar ga.e ham

nahīñ ye ashk-o-laḳht-e-dil tirī ulfat kī daulat se
mirā ye diida har dam la.al aur gauhar ugaltā hai

milātā huuñ agar āñkheñ to vo dil ko churātā hai
jo maiñ dil ko talab kartā huuñ vo āñkheñ badaltā hai

na.ī javānī na.e-navele nādān allaḌh aur albele
sach pūchho to tum ko sāhib dil dete jī Dartā hai

un se nahīñ kuchh shikva ham ko un se nahīñ kuchh rañj-o-malāl
kis se ai dil ishq kiyā kis se chaah ko bartā hai

rote rote hijr meñ kyūñ-kar jiine se dil ser na ho
kahte haiñ tālāb bhī sāhib phevan phevan bhartā hai

mujh ko to dil dene meñ kuchh uzr nahīñ ai jān-e-jahāñ
sach to ye hai dil hī ḳhud kuchh aagā pīchhā kartā hai

sail-e-sarishk-e-ġham se 'anjum' ḳhāna-e-dil barbād na ho
dekho dekho ka.aba kī buniyād meñ paanī martā hai

dil o dimāġh nahīñ lafz hī karishma hai
to kyā ajab ki hue qatl is zabān se ham

Tāñkoñ se zaḳhm-e-pahlū lagtā hai kankhajūrā
mat chheḌ mere dil ko baiThā hai kankhajūrā

champā-kalī us kī kyuuñ kar ḳhayāl chhūTe
be-vaj.h dil se aa kar lipTā hai kankhajūrā

raah ke rañj-o-ta.ab kā kyā gila
jab ki dil se gard-e-kulfat dhul ga.ī