Tags-Dil

havas thī ishq karne meñ va-lekin
bahut nādim hue dil ko lagā ham

ham jalāte rahe apne dil ke diye
tīrgī qatl hotī rahī raat bhar

dil ke andar koī jaise chaltā rahā
chaap qadmoñ kī aatī rahī raat bhar

dil jo be-ḳhud huā sabā laa.ī
kis kī bū nighat-e-bahārī meñ

ruuTh kar us se maiñ jo kal bhāgā
nā-gahāñ dil kī be-qarārī meñ

huā reza reza jo dil tirā use joḌ joḌ ke mat dikhā
vo jo apne husn meñ mast hai use aa.ine kā ḳhayāl kyā

kisī aur se kareñ kyuuñ gila hameñ apne-āp se dukh milā
vo jo dard-e-dil se ho āshnā use duniyā-bhar kā vabāl kyā

jaane kaun sā jaadū thā us jhiil sī gahrī āñkhoñ meñ
dil jaisī nāyāb sī shai tak de aa.e nazrāna ham

gunāhgār ke dil se na bach ke chal zāhid
yahīñ kahīñ tirī jannat bhī paa.ī jaatī hai

tujhe kuchh ishq o ulfat ke sivā bhī yaad hai ai dil
sunā.e jā rahā hai ek hī afsāna barsoñ se

na.ī sham.eñ jalāo āshiqī kī anjuman vaalo
ki suunā hai shabistān-e-dil-e-parvāna barsoñ se

jitne dil ḳhaak hue roz-e-azal se ab tak
aaj un sab kā nishāñ detī hai turbat merī

mahram ke jo band khol de yaar
bañgla mire haq meñ dil-kushā ho

dekhe na mizha kī sozan aise
se ve jo kisī kā dil phaTā ho

vo chaal chalo ki dil ho tasḳhīr
hub kā ta.avīz naqsh-e-pā ho

nisf shahr us gesu-e-mushkīñ ne dil-basta kiyā
ḳhusrav-e-tātār kī tauqīr aadhī rah ga.ī

ġhazab hai hasīnoñ se dil kā lagānā
ye aafat ke putle banā.e hue haiñ

vo bhī ġhayūr o sharmgīñ dil bhī nazākat-āfrīñ
choT lagī hai baat se baat baḌhī hai baat par

qurbāñ kamān-e-abrū-e-maulā pe jaan o dil
gar māh-e-nau kaheñ to hai tashbīh mubtazil

merā kaleja phahTtā hai ai dilrubā na ro
zehrā hazār jaan se tujh pe fidā na ro