Tags-Dil

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

har ghaḌī ahkām jaarī kartā rahtā hai ye dil
haath bāñdhe maiñ khaḌā huuñ hukm kī ta.amīl meñ

maiñ tire sadqe bas yahī mere
dil-o-jān-o-jigar kī pūñjī hai

Thes kuchh aisī lagī hai ki bikharnā hai use
dil meñ dhaḌkan kī jagah dard hai aur jaan nahīñ

idhar to ham jaan kho rahe haiñ udhar vo ulfat se ro rahe haiñ
kudūrateñ umr bhar kī dil se vo aaj ashkoñ meñ dho rahe haiñ

juuñ laala dāġh-e-dil yaañ phir jal uThā hai shāyad
jaatā hai sair karne vo bevafā chaman meñ

zaḳhm-e-dil meñ jahāñ mahaktā hai
isī kyārī meñ thā gulāb koī

dil ko ghere haiñ rozgār ke ġham
raddī meñ kho ga.ī kitāb koī

phir maiñ sunñe lagā huuñ is dil kī
aane vaalā hai phir azaab koī

dil se pūchhā tū kahāñ hai to kahā tujh ko kyā
kis kī zulfoñ meñ nihāñ hai to kahā tujh ko kyā

kahne laagā dil-e-gum-gashta tirā hai mujh paas
jab kahā maiñ ne kahāñ hai to kahā tujh ko kyā

dil se 'bedār' ne pūchhā ki tire siine par
kis ke nāvak kā nishāñ hai to kahā tujh ko kyā

pīchhe paḌī haiñ dil ke be-tarah merī āñkheñ
kyā jaane kyā kareñgī dariyā-e-ḳhūñ bahā kar

is dopahar kī dhuup meñ saaya bhī kho gayā
tanhā.iyoñ ke dil meñ utarne lagā huuñ maiñ

ab dil meñ terī yaad kī ik sham.a tak nahīñ
tārīk rāstoñ se guzarne lagā huuñ maiñ

dil kī ye aag bujhā dī kis ne
bhīge dāman kī havā dī kis ne

paa.e ḳhitāb kyā kyā dekhe itaab kyā kyā
dil ko lagā ke ham ne khīñche azaab kyā kyā

phir phir gayā hai aa kar muñh tak jigar hamāre
guzre haiñ jān-o-dil par yaañ iztirāb kyā kyā

āshufta us ke gesū jab se hue haiñ muñh par
tab se hamāre dil ko hai pech-o-tāb kyā kyā

vahī ḳharāba-e-imkāñ vahī sifāl-e-qadīm
humak rahā hai kahīñ dil meñ ik ḳhayāl-e-qadīm