Tags-Dil

mere ḳhvāboñ ne dil ke sahrā meñ
aaj ik qabr-gāh le lī hai

jab ki sāz-e-zindagī naġhmāt se ma.amūr thā
zarra zarra mere dil kī ḳhaak kā jab tuur thā

har adā-e-husn par hotā thā dil jab be-qarār
jab rahā kartā mulāqātoñ kā bāham intizār

gayā jaan se ik jahāñ le ke shoḳh
na tujh se ga.iiñ ye dil-āzāriyāñ

dil ne dekhā mujhe aur maiñ ne falak ko dekhā
bach ke sāhil pe agar koī safīnā aayā

ik zarā sī thī kabhī kī ḳhalish us par ai hashr
dil meñ letā huā zāhid vahī kiina aayā

chāhā jo kuchh vo zamāne ne kiyā naqsh is par
maiñ to saada liye is dil kā nagīna aayā

kis tarah milte haiñ bichhḌoñ se dikhā deñge kabhī
dil meñ vo tiir agar chiir ke siinā aayā

ham ek jaañ hī sahī dil to apne apne the
kahīñ kahīñ se fasāna judā to honā thā

mirī baat kā jo yaqīñ nahīñ mujhe aazmā ke bhī dekh le
tujhe dil to kab kā maiñ de chukā use ġham banā ke bhī dekh le

mirā dil alag hai bujhā sā kuchh tire husn par bhī chamak nahīñ
kabhī ek markaz-e-zīst par unheñ saath lā ke bhī dekh le

mire dil meñ tū hī hai jalva-gar tirā aa.ina huuñ maiñ sar-basar
yūñhī duur hī se nazar na kar kabhī paas aa ke bhī dekh le

ye jahān hai ise kyā paḌī hai jo ye sune tirī dāstāñ
tujhe phir bhī 'mullā' agar hai zid ġham-e-dil sunā ke bhī dekh le

manzil ke ḳhvāb dekhte haiñ paañv kaaT ke
kyā sāda-dil ye log haiñ ghar ke na ghaaT ke

larze bhī nahīñ shahr ke hassās dar-o-bām
dil raakh hue phir bhī qayāmat nahīñ aa.ī

āshiq the shahr meñ jo purāne sharāb ke
haiñ un ke dil meñ vasvase ab ehtisāb ke

so.e to dil meñ ek jahāñ jāgne lagā
jaage to apnī aañkh meñ jaale the ḳhvāb ke

dil hai ki marā jaatā hai dīdār kī ḳhātir
ham haiñ ki udhar aañkh uThā.ī nahīñ jaatī

dil ye to tirā dāġh-e-muhabbat na chhupegā
ā.īne se tasvīr chhupā.ī nahīñ jaatī

yārab kahāñ le jā.ūñ maiñ hasrat-zada dil ko
ye laash to ab mujh se uThā.ī nahīñ jaatī