Tags-Dil

dil-e-saḳht ai 'rashīd'-e-zār apnā hai garāñ ham ko
bajā hai kis tarah bhārī na ho tasvīr patthar kī

baat bhī un se kī na kisī ne aarzū dil kī rah ga.ī dil meñ
ghar meñ hī baiThī rah ga.ī laḌkī aayā na ik paiġhām munāsib

laao maiñ us ko sāġhar-e-dil meñ sambhāl luuñ
botal meñ ik parī hai mirī jaan kī tarah

tire dil pe hukūmat chāhtā huuñ
mujhe itnī hī sultānī bahut hai

rakh leñ ham aap laao dil-e-be-qarār meñ
aisā na ho ki tiir tumhāre ḳhatā kareñ

pazhmurda phuul ban ke rahe nā-murād dil
khil kar tumhāre haar kī kaliyāñ hañsā kareñ

'fārūq' dil kā haal maiñ jā kar kise kahūñ
har chehra mujh ko apnā hī chehra dikhā.ī de

ye dil bāhar dhaḌaktā hai ye aañkh andar ko khultī hai
ham aise marhale meñ haiñ jahāñ zahmat ziyāda hai

dil kī jāgīr meñ merā bhī koī hissa rakh
maiñ bhī terā huuñ mujhe bhī to kahīñ rahnā hai

tum aur mirī ḳhāna-ḳharābī pe tabassum
ummīd se baḌh kar abhī qadr-e-dil-o-dīñ hai

jo mere tañgnā-e-dil meñ tujh ko jalva-gar dekhā
mirī nazroñ ne hairat se mujhī ko umr bhar dekhā

sab apne dil meñ ik tīr-e-nazar mahsūs karte haiñ
magar koī batā saktā nahīñ us ne kidhar dekhā

phūñk de hai muñh tirā har sāf-dil ke tan meñ aag
sāmne ḳhurshīd ke lagtī hai jo darpan meñ aag

tujh se ai bulbul ziyāda gul meñ hai tāsīr-e-ishq
dil meñ ḳhuuñ lab par hañsī hai us ke pairāhan meñ aag

be-bākiyoñ meñ fard bahut thī vo chashm-e-nāz
dil kī harīf ho ke uThī sharm-gīñ bahut

ai dil tujhī pe ḳhatm nahīñ dāstān-e-ishq
afsāna-ḳhvāñ mile mizha o āstīñ bahut

the qahqahe sarāb samundar jo pī ga.e
kahne ko dil ke ghaav the raushan tabaq tabaq

dekheñ to chal ke yaar tilismāt-e-samt-e-dil
marnā bhī paḌ gayā to chalo mar bhī ā.eñge

jis ke sho.aloñ se thī kal tak garmī-e-bazm-e-hayāt
aaj is ḳhākistar-e-dil se dhuāñ uThtā nahīñ

dil ne ye kah ke kahīñ chhoḌā saath
ham ko kuchh kaam yahāñ karnā hai