Tags-Dil

parī uThī mire pahlū se bārhā nākām
farefta huuñ tirī tarz-e-dilrubā.ī kā

fazā-e-bāġh se hai gosha-e-qafas ḳhush-tar
gar apne dil meñ na ho daġhdaġha rihā.ī kā

nigāh ḳhanda taġhāful itaab kohna hue
nikāl tarz nayā koī dilrubā.ī kā

yuuñ na begāna raho giit sunātī hai havā
dil kī sargoshī suno giit sunātī hai havā

huī to jā dil meñ us sanam kī namāz meñ sar jhukā jhukā kar
haram se but-ḳhāne tak to pahuñchā ḳhudā ḳhudā kar ḳhudā ḳhudā kar

ḳhayāl-e-hajj-e-haram ko chhoḌā sunā jo shah-e-rag se hai qarīñ-tar
tavāf-e-dil hī kiyā kiye ham ga.e na ka.abe ko pher khā kar

ik Tiis sī paiham paatā huuñ kyā is ko mohabbat kahte haiñ
mahsūs mujhe mīThā mīThā kuchh dard sā ai dil hotā hai

lo aaj tū ne bhī dīvāna kah diyā mujh ko
tire hī dil meñ to merā suḳhan utartā thā

dil ke tamām zaḳhm tirī haañ se bhar ga.e
jitne kaThin the rāste vo sab guzar ga.e

ashkoñ kī ek nahr thī jo ḳhushk ho ga.ī
kyūñkar miTā.ūñ dil se tire ġham kī chhāp ko

tārīf kyā ho qāmat-e-dildār kī 'shakeb'
tajsīm kar diyā hai kisī ne alaap ko

ab us par ilzām rakhe ye ḳhalq-e-ḳhudā to kyā kahiye
ham to us kī bāteñ kar ke apnā dil bahlāte haiñ

pahle purvā.ī se dil meñ ek kasak sī uThtī thī
ab ye mausam kuchh nahīñ karte lekin ḳhvāb dikhāte haiñ

muntazir terī nigāheñ ruuh bhī bechain kuchh
hai hasīñ ye zindagī tū dil lagā kar dekhnā

dil to duniyā se nikalne pe hai āmāda magar
ik zarā zehn ko tayyār kiyā jaanā hai

kaun paḌhtā hai yahāñ khol ke ab dil kī kitāb
ab to chehre ko hī aḳhbār kiyā jaanā hai

tirī vahshat samajhtā huuñ ai merī aarzū lekin
tujhe kuchh din abhī is dil kī vīrānī meñ rahnā hai

tere qurb kī ḳhush-bū se maġhlūb huā
dil meñ jo aaseb akele-pan kā thā

dil se dar-o-dīvār kī ḳhvāhish kyuuñ na ga.ī
sahrā kā māhaul to mere man kā thā

kho ke dil merā tumheñ nāhaq pashemānī huī
tum se nādānī huī yā mujh se nādānī huī