Tags-Dil

ban rahe haiñ sat.h-e-dil par dā.ere
tum ne to patthar koī pheñkā nahīñ

har ta.alluq ko mohabbat se nibhā letā hai
dil hai yā koī adākār paḌā hai mujh meñ

dil le gayā hai merā vo sīm-tan churā kar
sharmā ke jo chale hai saarā badan churā kar

dil apnī talab meñ sādiq thā ghabrā ke sū-e-matlūb gayā
dariyā se ye motī niklā thā dariyā hī meñ jā kar Duub gayā

zulfoñ meñ kiyā qaid na abrū se kiyā qatl
tū ne to koī baat na maanī mire dil kī

gulshan-e-dil abhī shādāb hai pazhmurda nahīñ
mausam-e-ġham ne use kitnā harā rakkhā hai

kyā chhupe raaz ilāhī dil-e-shaidā.ī kā
arsa-e-hashr to bāzār hai rusvā.ī kā

har galī kūche meñ pāmāl use ho jaanā
dil hai yā naqsh-e-qadam hai kisī harjā.ī kā

is adab se tah-e-shamshīr taḌapnā ai dil
ki gumāñ terī tapish par ho shakebā.ī kā

dil ne paayā jo mire muzhda tirī paatī kā
muñh phirā sū-e-badan jān-e-ba-lab aatī kā

yuuñ to ai yār-e-dil-afroz tū sab kā hai vale
daaġh jāñ-soz nirāyā hai mirī chhātī kā

dil dam-e-āh-e-sahar-ḳhez chalā jaatā hai
mutribā chup hai tū kyuuñ vaqt hai parbhātī kā

dil-e-afsurda ko hai soz-e-darūñ se kyā rabt
kaam kyā ḳhāna-e-vīrāñ meñ diye-bātī kā

bātoñ se sivā hotī hai kuchh vahshat-e-dil aur
ahbāb pareshāñ haiñ mire tarz-e-amal se

dil diyā tab ki bahut zulf-e-rasā ne chāhā
aap farmāte haiñ yuuñ us kī balā ne chāhā

dil ko us zulf-e-pareshāñ meñ giraftār hī rakh
phir bane yā na bane zulf-e-rasan mere ba.ad

raheñge chain se ab dard maiñ mohabbat ġham
tumhārī dil se miTā dī hai aarzū maiñ ne

ham auliyā nahīñ the jo dil pherte magar
us ko bhī guftugū kā ik andāz to milā

gaahe gaahe ab bhī chale jaate haiñ ham us kūche meñ
zehn buzurgī oḌh chukā dil kī nādānī baaqī hai

ḳhush ho ai dil ki mohabbat to nibhā dī tū ne
log ujaḌ jaate haiñ anjām se pahle pahle