Tags-Dil

kaise miTā sakegā ham ko 'kuñvar' zamāna
ham dastaḳhat samay ke dil kī kitāb par haiñ

aa.ī jo online sattar baras kī aurat
mujh jaise ahl-e-dil ko vo beat kar rahī thī

hazār baar mire dil ko us ne Thukrāyā
mujhe hai us se umīd-e-vafā magar phir bhī

banā sake na tire dil meñ apnā ghar 'ārif'
luTā diyā tirī chāhat meñ apnā ghar phir bhī

dil milā hai jinheñ hamārā sā
talḳh un sab kī zindagānī hai

koī sadma zarūr pahuñchegā
aaj kuchh dil ko shādmānī hai

dil o nigāh meñ jhagḌā bhī munfarid thā magar
jo faisla huā vo bhī baḌe kamāl kā thā

dhaḌkā thā dil ki pyaar kā mausam guzar gayā
ham Dūbne chale the ki dariyā utar gayā

use kahnā mohabbat dil ke taale toḌ detī hai
use kahnā mohabbat do diloñ ko joḌ detī hai

use kahnā mohabbat par yaqīñ kar lo mire hamdam
use kahnā mohabbat dil meñ tum bhar lo mire hamdam

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

sab us kī mahfil meñ haiñ
aur ham us ke dil meñ haiñ

ḳhudā ḳhabar dil meñ koī aaseb hai ki is meñ
koī na aayā gayā paḌā hai ujaaḌ aisā

chahār jānib paḌe haiñ purze nigāh-o-dil ke
hamārā is ishq ne kiyā hai kabāḌ aisā

dil se tirā ḳhayāl na jaa.e to kyā karūñ
maiñ kyā karūñ koī na batā.e to kyā karūñ

ummīd-e-dil-nashīñ sahī duniyā hasīñ sahī
tere baġhair kuchh bhī na bhaa.e to kyā karūñ

dil ko ḳhudā kī yaad tale bhī dabā chukā
kam-baḳht phir bhī chain na paa.e to kyā karūñ

ye haa.e haa.e maz.haka-añgez hai to ho
dil se uThe zabān jalā.e to kyā karūñ

dil le ke hamārā phirtā hai ye kaun vatīra terā hai
kartā hai chhichhorī bāteñ kyuuñ har baat meñ terā merā hai

ham jaan se apnī jaate haiñ par dil se ye jaatā hī nahīñ
is ishq kā hove burā 'anjum' kyā is ne Daalā Derā hai