Tags-Aabla

ho chashm-e-karam un pe bhī ai pīr-e-ḳharābāt
jo ābla-pā dar pe tire aa.e hue haiñ

ḳhush haiñ to phir musāfir-e-duniyā nahīñ haiñ aap
is dasht meñ bas ābla-pā.ī hai roiye

thā safar dar-pesh sahrā kā girah meñ rakh diye
us ne kuchh kāñTe ki uzr-e-ābla-pā.ī na ho

talve meñ til sabab safar kā hai
gird us til ke aable har-sū

ḳhaar se ḳhalish rakhnā ai 'nasīr' bejā hai
hai ye ābla-pā.ī vaj.h-e-sar-girānī yaañ

muskurā kar ābla-tan baḌh ga.e
ḳhaar ke surḳhāb bistar kī taraf

dekh kar dasht ke tevar maiñ yahī sochtī huuñ
ishq abhī aur mujhe ābla-pā.ī degā

har ek nazar ābla-pā dekh rahā huuñ
baste hue shahroñ ko bhī sahrā hī kahūñ maiñ

sāhab-e-marham tirī jab se huī chashm-e-karam
ek zarā sā aabla nāsūr ban kar phal gayā

ābla-pā.iyāñ kartī thiiñ agar dil-shikanī
hausla phir rah-e-ummīd ko vā kartā thā

kaun sī raah chunī tum ne mohabbat ke liye
chal ke aa jaao magar ābla-pā.ī na mile

phuul se taraste hue log ḳharāboñ meñ kahāñ
dasht-e-vahshat meñ koī ābla-pā hī hogā

jahāñ pe kaaTī thī tāzīr-e-ābla-pā.ī
yahīñ kahīñ thā koī dasht sā nahīñ miltā

maza to jab hai bujhe tishnagī-e-ḳhār-e-alam
junūn-e-ābla-pā.ī to koī baat nahīñ

ai junūñ kuchh na milā ābla-pā.ī kā mazā
gokharo paañv meñ kyuuñ ḳhār-e-muġhīlāñ na huā

kyā ḳhushk huā raushniyoñ kā vo samundar
ab koī kiran ābla-pā tak nahīñ aatī

mor-e-be-māya kī raftār chalūñ
tū agar ābla-pā ban ke chale

ye talātum ye anā ābla-pā.ī ye junūñ
ham bhī dekheñge ki hai josh-e-javānī kitnā

musāfir hai masāfat kā sila hai ābla-pā.ī
bhalā kab saath chhoḌegī ye gardish umr-bhar terā

laakh āvāra o ābla-pā sahī manzileñ to haiñ qadmoñ se lipTī huī
vo hamīñ haiñ ki jab dhun samā.ī kabhī barq-pā nūr-e-raftār bante ga.e