Tags-Dard

kahte hue saaqī se hayā aatī hai varna
hai yuuñ ki mujhe durd-e-tah-e-jām bahut hai

roz ik dard tamannā se nayā lete haiñ
ham yūñhī zindagī-e-ishq baḌhā lete haiñ

kitābat se na jo sīkhā vo duniyā ne sikhāyā hai
ḳhushī kitnī bajā ho dard se pinhāñ nikaltī hai

na jaane kaise kaise dard siine meñ sulagte haiñ
na jaane kaisī kaisī saañs kuchh hairāñ nikaltī hai

dard phūloñ kā samajhne ke liye
kāñTe hāthoñ se masal kar dekhnā

tumhārī tarah milnā chhoḌ kar bedard ho rahnā
kaho kyūñ-kar ye saktā hai jite jiyo ye gunah ham siiñ

dil meñ dard sā uThtā hai
dard meñ Duube jaate haiñ

mirī raah ye tirī raah vo mirā saath tujh se nibhegā kyā
ki mujhe hai dard kī justujū tujhe chāragar kī talāsh hai

ye dard-e-dil to hai is zindagī kā mutarādif
maraz agar koī hotā to kuchh davā karte

agar na dard se is dil ko āshnā karte
ġham-e-hayāt kā kis tarah tajziyā karte

dard qaabū kā nahīñ kaash vo uTh kar shab-e-ġham
sarguzisht-e-dil-e-nāshād kā unvāñ ho jaa.e

jahān-e-dard-o-alam pūjtā hai mujh ko aah
tapish-e-jabīñ hai lahū sajda āstāñ huuñ maiñ

phir sar-e-sub.h kisī dard ke dar vā karne
dhaan ke khet se ik mauj-e-havā aa.ī hai

dil le ke jis ne dard-e-mohabbat atā kiyā
māñgeñge ab davā bhī usī mehrbāñ se ham

charāġh-e-dard kabhī yuuñ bujhe bujhe to na the
ham apne aap se itne khiñche khiñche to na the

achchhā hai ye dard kisī kā
apne dil meñ samo lo bhayyā

vaise to mire ishq kā har naqsh hasīñ thā
jab dard ne khīñchī to ye tasvīr hilā dī

har rañg-e-be-qarār huuñ har naqsh-e-nā-tamām
miTTī kā dard huuñ ki sitāroñ kā pyaar huuñ

ranj-o-ġham ishq-o-junūñ dard-o-ḳhalish soz-o-firāq
aise aise mile 'ḳhāvar' hameñ dam-sāz ki bas

zarā sā dard huā thā ki dil chamak uTThā
zarā sī sub.h huī thī ki din nikal aayā