Tags-Zulf

zulf kā sar-basta kūcha maañg kā rasta hai tañg
dil tirī shāmat hai mat jā be-ḳhatar donoñ taraf

shabān-e-hijrāñ darāz chuuñ zulf roz-e-vaslat chū umr kotāh
sakhī piyā ko jo maiñ na dekhūñ to kaise kāTūñ añdherī ratiyāñ

na dekhī aañkh uThā bad-halī-e-āshuftagāñ zālim
banātā hī rahā tū ḳhush-ḳhumī zulf-e-pareshāñ kī

tū mere junūñ se nālāñ hai is par to nazar kar ai nāseh
vo zulf ḳhud apne halqoñ ke andāz badaltī rahtī hai

jā phañsā dām-e-zulf meñ āḳhir
dil nihāyat hī be-tāmmul thā

qaid-e-gesū se rihā.ī kā nahīñ hai imkāñ
ḳhushbū-e-zulf-e-pareshāñ nahīñ jiine detī

vo zulf khol ke sharmā.eñ ġhair ke ghar aaj
kuchh is adā se shab-e-ġham ho mehmāñ merī

saa.e se us kī zulf ke bint-e-inab ko kyā
ban kar parī uḌegī ye botal sharāb kī

jahāñ se TuuT gayā silsila ḳhayāloñ kā
vahāñ se zulf-e-shikan-dar-shikan kī baat karo

mauj-e-nashīm-e-sub.h ke qurbān jā.iye
aa.ī hai bū-e-zulf-e-mo.ambar liye hue

tārīkiyoñ meñ vaqt kī raftār kho ga.ī
ye shām-e-ġham hai yā tirī zulf-e-darāz hai

tire ruḳh ke ḳhayāl meñ kaun se din uThe mujh pe na fitna-e-roz-e-jazā
tirī zulf ke dhyān meñ kaun sī shab mire sar pe hujūm-e-balā na rahā

jo terī zulf ke saa.e meñ chand din guzre
vo ġham kī dhuup meñ yaad aa.e sā.ebāñ kī tarah

āvārgī-e-zulf se āsūdgī milī
āsūdgī milī ki pareshāñ kiyā gayā

zulf kī chhāñv meñ so.e na ḳhatar meñ jaage
haa.e vo log jo begār se aage na ga.e

yaar ik lazzat-e-dīdār se aage na ga.e
ya.anī zulf-o-lab-o-ruḳhsār se aage na ga.e

kaun kartā hai sar-e-zulf kī bāteñ dil meñ
jī pe kaTtī haiñ ajab tarah kī rāteñ dil meñ

kaash har zulf teġh ban jaa.e
kaash zanjīr-e-hādsāt kaTe

rahtā hai zulf-e-yār mire man se man lagā
ai naag tire haath ye kyā ḳhuub man lagā

be-suvaidā haath dil mat Daal zulf-e-yār par
maash pahle paḌh ke mantar pheñk rū-e-yār par