Collections

Lab Shayari

Motivational Ghazals

Best Khamoshi Shayari

More Collections

Tags-Zulf

kisī ke ho raho achchhī nahīñ ye āzādī
kisī kī zulf se lāzim hai silsila dil kā

chale chalo jahan le jae walwala dil ka

aur khul jā ki ma.ārif kī guzargāhoñ meñ
pech ai zulf-e-siyah-fām abhī baaqī haiñ

aur khul ja ki maarif ki guzargahon mein

paḌā rah ai dil-e-vābasta betābī se kyā hāsil
magar phir tāb-e-zulf-e-pur-shikan kī āzmā.ish hai

huzur-e-shah mein ahl-e-suKHan ki aazmaish hai

zulf-e-barham kī jab se shanāsā huī
zindagī kā chalan mujrimāna huā

zulf-e-barham ki jab se shanasa hui

mujhe Dasvāo ik mār-e-siyah se ye sazā diije
jafā kī apne sāhib kī jo zulf-e-ambarīñ pakḌī

kisi ne pakDa daman aur kisi ne aastin pakDi

arsa huā vo zulf-e-pareshāñ nahīñ dekhī
muddat huī nazroñ se gulistāñ nahīñ guzre

tufan nahin guzre ki bayaban nahin guzre

chashm-e-ā.īna pareshāñ-nazarī siikh ga.ī
dekhtā thā ye bahut zulf-e-pareshāñ kī taraf

yun main sidha gaya wahshat mein bayaban ki taraf

dekh kar uljhī huī zulf un kī
dil pareshān huā jaatā hai

ghamza paikan hua jata hai

zulf o ruḳh ke saa.e meñ zindagī guzārī hai
dhuup bhī hamārī hai chhāñv bhī hamārī hai

zulf o ruKH ke sae mein zindagi guzari hai

hai mere dil kī tarah is se ye pareshāñ-hāl
milā hai zulf ko husn-e-siyāh-ḳhāna-e-ishq

KHuda-numa hai but-e-sang-e-astana-e-ishq

kyā bhūlne degī vo mujhe rāt-kī-rānī
vo zulf vo ḳhushbu-e-badan yaad rahegī

kanTon tumhein phulon ki chubhan yaad rahegi

kitne bhī ghanere hoñ tirī zulf ke saa.e
ik raat meñ sadiyoñ kī thakan kam nahīñ hotī

TuTe hue KHwabon ki chubhan kam nahin hoti

kūcha-e-zulf se tire ai but
bach ke shaiḳh-e-haram nikaltā hai

tan se jaan ka qadam nikalta hai

kabhī hai chāñd kā haala naqāb-e-lāla kabhī
anīle rañg dikhātī hai zulf-e-ġhāliya-gūñ

main baat kaun se pairaya-e-bayan mein karun

TuuT ga.iiñ saarī zanjīreñ
zulf tire ruḳh par lahrā.ī

tu ne jab bhi aankh milai

ai zulf-e-ambarīñ zarā lahrā ke phailnā
ik raat is chaman meñ mirā bhī qayām hai

mushkil ye aa paDi hai ki gardish mein jam hai

hamāre tausan-e-umr-e-ravāñ ke tez karne ko
shamīm-e-zulf dosh-e-bād-e-sarsar par savār aa.ī

jawani yaad hum ko apni phir be-iKHtiyar aai

kisī kī zulf-e-pareshāñ kā sāya-e-raqsāñ hai
fazā meñ bāl-fishāñ abr-e-nau-bahār nahīñ

yaqin-e-wada nahin tab-e-intizar nahin

aa.ine pe jo guzarnā ho guzar jaa.e magar
aap yūñhī zulf-e-barham ko sañvāre jā.iye

is tarah ahd-e-tamanna ko guzare jaiye

ġham-e-zamāna kī nāgan ne Das liyā sab ko
vahī bachā jo tirī zulf ke asar meñ thā

gaya to husn na diwar mein na dar mein tha