Tags-Yaad

phir ye vahī ġham-e-firāq phir hai vahī kisī kī yaad
uf ye siyāh-baḳhtoñ ruḳhsat-e-shab ke ba.ad bhī

tirī yaad mujh se bahut laḌī mire añg añg meñ zaḳhm hai
maiñ taḌaptā rahtā huuñ dard se tujhe fikr merī zarā nahīñ

mausam-e-yād kā koī jhoñkā, ab jo guzre tumhārī ḳhalvat se
soch lenā hamāre baare meñ, par hamārā malāl mat karnā

āñkhoñ meñ tirī yaad kahīñ zaḳhm na kar de
nikle ye agar phāñs nukīlī to batā.ūñ

jab guzroge un rastoñ se taptī dhuup meñ tanhā
tumheñ bahut yaad ā.eñge ham saa.e bichhāne vaale

phuul sī koī yaad hai us se vābasta
mere dil kā zaḳhm mahaktā rahtā hai

yaar 'nabīl' unheñ maiñ jitnā bhūltā huuñ
mujh ko yaad vo utnā aane lagte haiñ

jab bhī ḳhalvat meñ vo yaad aa.egā
vaqt kā sail Thahar jā.egā

ek saa.at kī judā.ī bhī nahīñ mujh ko qubūl
saath rakhtā huuñ sadā yād-e-firāq-e-yār ko

kisī kī yaad meñ āñkheñ chhalaktī rahtī haiñ
to aur maslak-e-ushshāq meñ vuzū kyā hai

hameñ yaad ho to sunā.eñ bhī zarā dhyān ho to batā.eñ bhī
ki vo dil jo mahram-e-rāz thā kahāñ rasm-o-rāh meñ jal-bujhā

ġhaur kiije to yaad aa.egā
thī kabhī aap se shanāsā.ī

kuchh naqsh tirī yaad ke baaqī haiñ abhī tak
dil be-sar-o-sāmāñ sahī vīrāñ to nahīñ hai

kisī ke sitam is qadar yaad aa.e
zabāñ thak ga.ī mehrbāñ kahte kahte

jab safīna mauj se Takrā gayā
nāḳhudā ko bhī ḳhudā yaad aa gayā

ajnabī mujh se aa gale mil le
aaj ik dost yaad aa.e mujhe

magar haañ yaad aayā
ek manzar aur bhī mahfūz hai mujh meñ

suune kitne baam hue kitne āñgan be-nūr hue
chāñd se chehre yaad aate haiñ chāñd nikalte vaqt bahut

maiñ din-rāt tujh ko karūñ yaad kitnā
mohabbat tirī ab sazā de rahī hai

yaad ā.eñge mujhe tere zamīn-o-āsmāñ
rah chuke haiñ merī jaulāñ-gāh tere bostāñ