Tags-Waqt

ghaTā vo chhā.ī vo abr uTThā yahī to hai vaqt mai-kashī kā
bulāo 'shā.ir' ko hai kahāñ vo sharāb shīshe se Dhal rahī hai

maiñ bhī us vaqt sar-e-rāh thā hairāñ hairāñ
pā-barahna nazar-āvāra tan-afgār ḳhamosh

jis meñ likkhī hai tavārīḳh ka.ī sadiyoñ kī
vaqt ke sar pe paḌī aisī shikan hai kyuuñ hai

tirī tasvīr the ham bhī kisī vaqt
yahī naqshā hamārā hū-ba-hū thā

chale ham baaġh se ai 'shād' kis vaqt
bahār aane ko thī gul kā numū thā

ham log ab zamān-o-zamāna se duur haiñ
ya.anī yahāñ pe vaqt bhī ab chal nahīñ rahā

dard se yuuñ najāt kab hogī
vaqt Thahrā huā sā lagtā hai

baaqī rahā na koī gila vaqt-e-vāpsīñ
kyā kah ga.e vo ik nigah-e-sharmsār meñ

kitnā mushkil hai
vaqt ko pakaḌ kar rakhnā

dī muazzin ne shab-e-vasl azaañ pichhle pahr
haa.e kambaḳht ko kis vaqt ḳhudā yaad aayā

jugnū ko din ke vaqt parakhne kī zid kareñ
bachche hamāre ahd ke chālāk ho ga.e

vaqt majbūr apnī aadat se
badle lamhoñ ko apnī chāhat se

tum ko dekhā karūñ har vaqt sarāpā huuñ fanā
kartī rah rah ke taqāzā hai ye hālat merī

maiñ to kyā vaqt bhī ab chhū na sakegā tujh ko
ishq ne masnad-e-yazdāñ pe biThāyā hai tujhe

vaqt hī judā.ī kā itnā tavīl ho gayā
dil meñ tire visāl ke jitne the zaḳhm bhar ga.e

aaj bhī intizār kā vaqt hunūt ho gayā
aisā lagā ki hashr tak saare hī pal Thahar ga.e

is shahr ke log ajiib se haiñ ab sab hī tumhāre asiir hue
jab jaañ pe baraste the patthar us vaqt hamīñ dil-gīr hue

thāmnī hoñ jo tujhe vaqt kī nabzeñ hamdam
uḌte lamhoñ pe koī naqsh jamānā hogā

jaan dene kā vaqt aa hī gayā
is tamāshe ke ba.ad fursat hai

ab sañvarne kā vaqt us ko nahīñ
jab hameñ dekhne kī fursat hai