Tags-Waiz

koī 'beḳhud' kī jānib se zarā samjhā.e vaa.iz ko
ibādat ko farishte haiñ use mai-ḳhvār rahne deñ

gayā thā raat vaa.iz mai-kade meñ va.az kahne ko
magar niklā vo koī shai chhupā.e nīche dāman ke

kareñ kyā riñd mashrab iḳhtiyār ik maz.hab ai vaa.iz
nahīñ dil toḌnā manzūr haftād-o-do-millat kā

na pūchho bāda-gusārān-e-bazm-e-'vāris' kī
ye dekh leñ sū-e-vā.iz to vo valī ho jaa.e

mirī sharāb kī kyā qadr tujh ko ai vaa.iz
jise maiñ pī ke duā duuñ vo jannatī ho jaa.e

are vaa.iz Darā na tū itnā
kyā use darguzar nahīñ aatī

ham mohabbat ke bande haiñ vaa.iz
ham ko kyā bahs maz.habī se ġharaz

ġhurūr-e-zohd ne sikhlā diyā hai vaa.iz ko
ki bandagān-e-ḳhudā par zabāñ darāz kare

koī ye pūchhe ki vaa.iz kā kyā bigaḌtā hai
jo be-amal pe bhī rahmat vo be-niyāz kare

biThā ke arsh pe rakkhā hai tū ne ai vaa.iz
ḳhudā vo kyā hai jo bandoñ se ehtirāz kare

dar-e-pīr-e-muġhāñ chhoḌeñ ye ham se ho nahīñ saktā
koī vaa.iz se kah do tere bahkāne se kyā hogā

kar lī hai tauba is liye vaa.iz ke sāmne
ilzām-e-tishnagī mire saaqī ke sar na jaa.e

mire ash.ār par ḳhāmosh hai jiz-biz nahīñ hotā
ye vaa.iz vā.izoñ meñ kuchh haqīqat-āshnā hogā

muñh meñ vaa.iz ke bhī bhar aatā hai paanī akasr
jab kabhī tazkira-e-jām-e-sharāb aatā hai

vaa.iz ko ye jalan hai shāyad ki farbahī se
rahtā hai hauz hī meñ aksar paḌā magar sā

rindoñ ko 'hafīz' itnā samjhā de koī jā kar
aapas meñ laḌoge tum vaa.iz kā bhalā hogā

kyuuñ na vaa.iz ke taqaddus kā asar ho dil par
roz mai-ḳhāne meñ tasbīh paḌhā kartā hai

vaa.iz ye gulistāñ ye bahāreñ ye ghaTā.eñ
sāġhar koī aise meñ khanak jaa.e to kyā ho

hūroñ kī sanā-ḳhvānī vaa.iz yuuñ hī kab maanī
le aa ki hai nādānī bātoñ meñ bahal jaanā

jis qayāmat se vaa.iz Darātā hai tū us qayāmat se kam ye qayāmat nahīñ
bār-hā dil pe guzrī hai jo hijr meñ bār-hā jaan par jo guzar jā.egī