Tags-Visaal

vo ham se mil kar bhī mil na paa.e
ajab hamārā visāl Thahrā

ajiib raushaniyāñ thiiñ visāl ke us paar
maiñ us ke saath rahā aur udhar chalā bhī gayā

kamar ko gardan ko dast-o-lab ko visāl meñ lutf de rahā hai
shabāb-e-zānū shabāb-e-bāzū shabāb-e-sīna shabāb-e-āriz

jo gaal par gaal ham rakheñge shab-e-visāl un ke haath uTheñge
tamāñche māreñge pyaar se vo bajeñgge chañg-o-rubāb-e-āriz

na jhepo sub.h-e-visāl dekho tum aañkh se aañkh to milāo
liye haiñ gin gin ke maiñ ne bose zabān par hai hisāb-e-āriz

vo hijr meñ visāl kī ummīd kyā huī
vo rañj meñ ḳhushī ke bahāne kidhar ga.e

shab-e-visāl kā ahvāl pūchhnā mat dost
pas-e-qabā-e-ġhazab itr-ambarīñ thī aag

lamha-e-hijr apnī vus.at meñ, aap lazzat hai, zindagī bhar kī
tum bhī 'ḳhālid-moīn' yuuñ karnā, umr sarf-e-visāl mat karnā

hotī raheñgī bārisheñ 'ahmad' visāl kī
ḳhālī rahegā jaam hamesha faqīr kā

shab-e-visāl mazā de rahī hai 'tuu' terī
laboñ se gholtī hai qand guftugū terī

vo janam-din pe bulāte haiñ hamesha mujh ko
har nayā saal ba-andāz-e-visāl aatā hai

qurb-e-jamāl aur ham aish-e-visāl aur ham
haañ ye huā ki sākin-e-shahr-e-jamāl ho ga.e

ek naqshe pe zamāna rahā hañgām-e-visāl
shīsha-e-jism meñ sau tarah ke manzar dekhe

kuchh ab ke ham bhī kaheñ us kī dāstān-e-visāl
magar vo zulf-e-pareshāñ khule to baat chale

jab hue ḳhvāb meñ visāl hue
tum ko dekhe to māh-o-sāl hue

dil kī girah na vā huī dard-e-shab-e-visāl
guzrī tamām bast-o-kushād-e-naqāb meñ

jiite jī to rahā visāl muhāl
mar chuke par tavaqquāt hai ab

hijr kaisā visāl ho bil-farz
kuchh hī sūrat ho mushkilāt hai ab

kabhī firāq kabhī lazzat-e-visāl meñ rakh
mujh e'tidāl se aarī ko e'tidāl meñ rakh

hijr-o-visāl-e-yār kā mausam nikal gayā
ai dard-e-ishq jaag zamāna badal gayā